মুক্তিক

.. মুক্তিকা উপনিষদ্ ..
          Excerpts from MUKTIKAA UPANISHHAD

           .. মুক্তিকা উপনিষত্ ..

ঋগ্বেদস্য তু শাখাঃ স্যুরেকবিংশতিসংখ্যকাঃ .
নবাধিকশতং শাখা যজুশো মারুতাত্মজ ..

সহস্রসংখ্যযা জাতাঃ শাখাঃ সাম্নঃ পরংতপ .
অথর্বণস্য শাখাঃ স্যুঃ পংচাশদ্ভেদতো হরে ..

একৈকস্যাস্তু শাখাযা একৈকোপনিষন্মতা .
তাসামেকামৃচং যশ্চ পঠতে ভক্তিতো মযি  ..
স মত্সাযুজ্যপদবীং প্রাপ্নোতি মুনিদুর্লভাম্ .

ইযং কৈবল্যমুক্তিস্তু কেনোপাযেন সিদ্ধ্যতি .
মাংডূক্যমেকমেবালং মুমুক্ষূণাং বিমুক্তযে ..

তথাপ্যসিদ্ধং চেজ্জ্ঞানং দশোপনিষদং পঠ .
জ্ঞানং লব্ধ্বা চিরাদেব মামকং ধাম যাস্যসি ..

তথাপি দৃঢতা নো চেদ্বিজ্ঞানস্যাঞ্জনাসুত .
দ্বাত্রিংশাখ্যোপনিষদং সমভ্যস্য নিবর্তয ..

বিদেহমুক্তাবিচ্ছা চেদোষ্টরশতং পঠ .
তাসং ক্রমং সশাংতিং চ শ্রুণু বক্ষ্যামি তত্ত্বতঃ ..

ঈশকেনকঠপ্রশ্নমুংডমাংডূক্যতিত্তিরিঃ .
ঐতরেযং চ ছাংদোগ্যং বৃহদারণ্যকং তথা ..
ব্রহ্মকৈবল্যজাবালশ্বেতাশ্বো হংস আরুণিঃ .
গর্ভো নারাযণো হংসো বিন্দুর্নাদশিরঃ শিখা ..
মৈত্রাযণী কৌষীতকী বৃহজ্জাবালতাপনী .
কালাগ্নিরুদ্রমৈত্রেযী সুবালক্ষুরিমন্ত্রিকা ..
সর্বসারং নিরালংবং রহস্যং বজ্রসূচিকম্ .
তেজোনাদধ্যানবিদ্যাযোগতত্ত্বাত্মবোধকম্ ..
পরিব্রাট্ ত্রিশিখি সীতা চূডা নির্বাণমংডলম্ .
দক্ষিণা শরভং স্কংদং মহানারাযণাব্হযম্ ..
রহস্যং রামতপনং বাসুদেবং চ মুদ্গলম্ .
শাংডিল্যং পৈংগলং ভিক্ষুমহচ্ছারীরকং শিখা ..
তুরীযাতীতসংন্যাসপরিব্রজাক্ষমালিকা .
অব্যক্তৈকাক্ষরং পূর্ণা সূর্যাক্ষ্যধ্যাত্মকুংডিকা ..
সাবিত্র্যাত্মা পাশুপতং পরং ব্রহ্মাবধূতকম্ .
ত্রিপুরাতপনং দেবীত্রিপুরা কঠভাবনা ..
হৃদযং কুংডলী ভস্ম রুদ্রাক্ষগণদর্শনম্ ..
তারসারমহাবাক্যপংচব্রহ্মাগ্নিহোত্রকম্ .
গোপালতপনং কৃষ্ণং যাজ্ঞবল্ক্যং বরাহকম্ ..
শাট্যাযনি হযগ্রীবং দত্তাত্রেযং চ গারুডম্ .
কলিজাবালিসৌভাগ্যরহস্যঋচমুক্তিকা ..

এবমষ্টোত্তরশতং ভাবনাত্রযনাশনম্ .
জ্ঞানবৈরাগ্যদং পুংসাং বাসনাত্রযনাশনম্ ..

গৃহীত্বাষ্টোত্তরশতং যে পঠংতি দ্বিজোত্তমাঃ .
প্রারব্ধক্ষযপর্যংতং জীবন্মুক্তা ভবংতি তে ..

ঐতরেযকৌষিতকীনাদবিংদ্বাত্মপ্রবোধনির্বাণমুদ্গলাক্ষমালিকাত্রিপুরাসৌভাগ্য-
বহ্বৃচানামৃগ্বেদগতানাং দশসংখ্যাকানামুপনিষদাং বাঙ্মে মনসীতি শাংতিঃ ..

ঈশাবাস্যবৃহদারণ্যজবালহংসপরমহংসসুবালমন্ত্রিকানিরালংবত্রিশিখীব্রাহ্মণমংডলব্রাহ্ম-
ণাদ্বযতারকপৈংগলভিক্ষুতুরীযাতীতাধ্যাত্মতারসারযাজ্ঞবল্ক্যশাট্যাযনীমুক্তিকানাং
শুক্লযজুর্বেদগতানামেকোনবিংশতিসংখ্যাকানামুপনিষদাং পূর্ণমদ ইতি শাংতিঃ ..

কঠবল্লীতৈত্তিরীযকব্রহ্মকৈবল্যশ্বেতাশ্বতরগর্ভনারাযণামৃতবিংদ্বমৃতনাদকালাগ্নিরুদ্রক্ষুরিকা-
সর্বসারশুকরহস্যতেজোবিংদুধ্যানবিংদুব্রহ্মবিদ্যাযোগতত্ত্বদক্ষিণামূর্তিস্কংদশারীরক-
যোগশিখৈকাক্ষরাক্ষ্যবধূতকঠরুদ্রহৃদযযোগকুংডলিনীপংচব্রহ্মপ্রাণাগ্নিহোত্রবরাহকলিসংতরণ-
সরস্বতীরহস্যানাং কৃষ্ণযজুর্বেদগতানাং দ্বাত্রিংশত্সংখ্যাকানামুপনিষদাং সহ নাববত্বিতি শাংতিঃ ..

কেনচ্ছাংদোগ্যারুণিমৈত্রাযণিমৈত্রেযীবজ্রসূচিকাযোগচূডামণিবাসুদেবমহত্সংন্যাসাব্যক্তকুংডিকা-
সাবিত্রীরুদ্রাক্ষজাবালদর্শনজাবালীনাং সামবেদগতানাং ষোডশসংখ্যাকানামুপনিষদামাপ্যাযংত্বিতি শাংতিঃ ..

প্রশ্নমুংডকমাংডুক্যাথর্বশিরোঽথর্বশিখাবৃহজ্জাবালনৃসিংহতাপনীনারদপরিব্রাজকসীতাশরভ-
মহানারাযণরামরহস্যরামতাপনীশাংডিল্যপরমহংসপরিব্রাজকান্নপূর্ণাসূর্যাত্মপাশুপত-
পরব্রহ্মত্রিপুরাতপনদেবীভাবনাব্রহ্মজাবালগণপতিমহাবাক্যগোপালতপনকৃষ্ণহযগ্রীব-
দত্তাত্রেযগারুডানামথর্ববেদগতানামেকত্রিংশত্সংখ্যাকানামুপনিষদাং ভদ্রং কর্ণেভিরিতি শাংতিঃ ..