.. শ্রীরামকৃষ্ণ পরমহংসোপনিষদং ..
ॐ সহ নাববতু .
সহ নৌ ভুনক্তু .
সহ বীর্যং করবাবহৈ .
তেজস্বি নাবধীতমস্তু মা বিদ্বিষাবহৈ ..
ॐ শান্তিঃ শান্তিঃ শান্তিঃ ..
ॐ অথ শ্রীরামকৃষ্ণ পরমহংসোপনিষদং
ব্যাখ্যাস্যামঃ .
সৈষাঽপরোক্ষানুভবরূঢা সাধনপ্রধানা চ .. ১..
নির্গুণং নিরাকারং চ পরং ব্রহ্ম .
তদেব ভক্তজনানাং শীতল ভক্তেঃ প্রভাবাত্
সগুণঃ সাকারঃ পরমেশ্বরো ভবতি হিমমিব
জলাত্ শৈত্যাত্ .
স এব পরমেশ্বরো নিখিলজগদংতর্যামী চ .. ২..
রাম-কৃষ্ণ-শিব-বিষ্ণু-গাডল্লেত্যাদি
বিবিধনামভির্নির্দিষ্টং পরংতত্ত্বমপি স এব .
স এব লক্ষ্মী-দুর্গা-কালী-সরস্বতীত্যাদি
দেবীনামভিরপি নির্দিশ্যতে .. ৩..
ব্যবহারদশাযাং যত্র পুরুষোঽজ্ঞো দ্বৈতমিব
পশ্যতি তদা কাল্যাদি দেব্যঃ পরস্যৈব ব্রহ্মণঃ
শক্তয ইতি মন্তব্যম্ . দাহিকশক্তির্যথাগ্নেঃ .
বস্তুতস্তু তযোরত্যংতমভেদঃ এব ..৪..
পরমেশ্বরদর্শনমেব মানব জীবনস্য চরমোদ্দেশঃ .
তথৈব মুক্তেঃ সাধ্যত্বাত্ .
পরমেশ্বরস্তু দ্রষ্টুং স্প্রষ্টুং চ শক্যঃ .
তেন সহালাপোঽপি সাধ্যঃ .
সর্বে ধর্মাঃ সমানাস্তমেব গমযংতি চ .. ৫..
অপি তু মাযাজবনিকাচ্ছন্নঃ স সুখেন দ্রষ্টুং
ন লভ্যঃ .
কামকাংচন কামনৈব মাযা .
তদপগমে সঃ স্বযমেবাবির্ভবতি মেঘাপাযেংঽশুমানিব .
জ্ঞানমিশ্রিত ভক্তিশ্চ মাযানাশোপাযঃ .
স এব সর্বমিত্যতো দীনদরিদ্ররোগ্যজ্ঞাদীনাং
নারাযণদৃষ্ট্যা সেবাঽপ্যদ্যতনকালেঽ-
অনুত্তমোপাযশ্চিত্তশুদ্ধিদ্বারা তং
সাক্ষাত্কর্তুম্ .. ৬..
কথংচিত্তং জ্ঞাত্বা দৃষ্ট্বা স্পৃষ্ট্বা
ভববন্ধনাদ্বিমুক্তা ভবত .
বিমুক্তা ভবতেত্যুপনিষত্ .. ৭..
ॐ শান্তিঃ শান্তিঃ শান্তিঃ ..
.. ইতি স্বামী হর্ষানন্দ কৃত উপনিশত্সমাপ্তা ..
নোট নিতে এবং টেক্সট হাইলাইট করতে লগইন করুন
লগইন