শারদা পরমেশ্বরী সুপ্রভাতম্

.. শ্রী শারদা পরমেশ্বরী সুপ্রভাতম্ ..

৐ শ্রীশারদে জগন্মাতঃ পূর্বা সংধ্যা প্রবর্ততে .
উত্তিষ্ঠ করুণাপাঙ্গৈঃ কর্তব্যং বিশ্বমঙ্গলম্ ..
শ্রীশৃঙ্গাদ্রিপুরী রত্নসিংহাসননিবাসিনী .
উত্তিষ্ঠ শারদাম্ব শ্রী শঙ্করাচার্য সন্নুতে ..
উত্তিষ্ঠোত্তিষ্ঠ ভগবত্পাদশঙ্করমূর্তিভিঃ .
জগদ্গুরুভিরারাধ্যে জগজ্জননি শারদে ..
ব্রহ্মর্ষযোঽম্ব সনকাদয এত্য ভক্ত্যা
ব্রাহ্মীমনন্য মনসো হৃদি ব্রহ্মবিদ্যাম্ .
ত্বামামনন্ত্যুপনিষত্সরসীজ হংসীম্
শ্রীশারদাম্ব বরদে তব সুপ্রভাতম্ ..
ফুল্লানি পঙ্কজবনানি সতাং মনাম্সি
ধীবৃত্তযশ্চ সরিতশ্চ দিশঃ প্রসান্নাঃ .
অজ্ঞানমাশু তিমিরং চ বিলীযতেঽম্ব
শ্রী শারদে বিজযতে তব সুপ্রভাতম্ ..
হংসঃ প্রযাত্যুদযমম্বুজ কাননেষু
হংসাঃ প্রসন্নমনসো মুদিতা রমন্তে .
হংসাত্মনা পরমহংসকুলং মুদাস্তে
শ্রী শারদে বিজযতে তব সুপ্রভাতম্ ..
শ্রদ্ধাঘনাশ্শমদমাদিযুতা বিনেযাঃ
শুদ্ধাশযা বিদলিতাখিলকর্মবন্ধাঃ .
আজ্ঞাবিমুক্তি পদভাজ ইমে ব্রুবন্তি
শ্রী শারদাম্ব বিমলং তব সুপ্রভাতম্ ..
গীর্বাণবৃন্দমখিলং পুরতো বিধায
গীর্বাণবন্দ্যমুপযাত্যুচিতোপহারৈঃ .
শর্বাদিসন্নুতপদামিহ সেবিতুং ত্বাম্
শ্রী শারদাম্ব শিবদং তব সুপ্রভাতম্ ..
সর্বার্তিহারিণি সমস্ত সুখপ্রদাত্রি
দুর্বাদিগর্বশমযিত্রি জগজ্জনিত্রি .
নির্বাণদাত্রি নিগমান্ত বিবোধযিত্রি
শ্রী শারদে শিবস্বরূপিণি সুপ্রভাতম্ ..
সদ্বেদশাস্ত্র নিগমান্ত রহস্য বিজ্ঞাঃ
প্রাজ্ঞাস্ত্বদঙ্ঘ্রি সরসীজ পরাগগন্ধম্ .
আঘ্রায দিব্যমভবন্নিখিলাঃ কৃতার্থাঃ
শ্রী শারদে সুমনসস্তব সুপ্রভাতম্ ..
মুক্তিস্থিতা করতলে হৃদযে প্রমোদঃ
জিহ্বাগ্রগাশ্চ সহসৈব সমস্তবিদ্যাঃ .
ত্বদ্দর্শনং ভবতি যস্য হি তস্য পুংসঃ
শ্রী শারদাম্ব শুভদং তব সুপ্রভাতম্ ..
ত্বত্সংস্মৃতেঽরপি নরং বিজহাত্যলক্Sমীঃ
লক্ষ্মীঃ সমাশ্রযতি নূনমচঞ্চলাম্ব .
শ্রদ্ধাবতাং ত্বযি বিমুক্তিরযত্নসিদ্ধা
শ্রী শারদে জগদধীশ্বরি সুপ্রভাতম্ ..
ব্রহ্মাত্মভাবমধিগম্য হৃদা সদাত্মা
রামা অপি ত্বদমলাঙ্ঘ্রি সরোজরেণূন্ .
বাঞ্ছত্যমী পরমহংসকুলাবতংসাঃ
শী শারদাম্ব হৃদযে তব সুপ্রভাতম্ ..
তুঙ্গাসরিদ্বিমলবারি তরঙ্গরঙ্গ
রিঙ্গত্সরোজবনদিব্য সুগন্ধবাহঃ .
অঙ্গীকুরুষ্ব পবনঃ প্রকরোতি সেবাম্
শ্রী শারদাম্ব কৃপযা তব সুপ্রভাতম্ ..
প্রাক্ সিন্ধু পাথসি ত্রযীতনুরেষভক্ত্যা
স্নাতস্তথোদয গিরাবুদিতস্তপস্বী .
ত্বত্পাদপদ্মভজনায সহস্রভানুঃ
শ্রী শারদাম্ব সমুদেতি চ সুপ্রভাতম্ ..
ব্রহ্মাচ্যুতত্রিনযনা বিনযেন ভক্ত্যা
সিংহাসনে স্থিতবতীং প্রণবস্বরূপাম্ .
বাচা হৃদা চ বপুষা চ সমাশ্রযন্তি
শ্রী শারদাম্ব পরমেশ্বরি সুপ্রভাতম্ ..
ইন্দ্রানলাদয ইমে দিগধীশ্বরাশ্চ
সূর্যেন্দুভৌমবুধগীষ্পতি শুক্রমুখ্যাঃ .
সর্বে গ্রহাশ্চ ভযভক্তিযুতা নমন্তি
শ্রী শারদে তব মহেশ্বরি সুপ্রভাতম্ ..
দেবাঙ্গনামণিগণশ্চ শচীমুখোঽযম্
ত্বামীশ্বরীং ত্রিজগদেক সমর্চনীযাম্ .
সংসেবিতুং সুসমযে সমুপাগতেঽস্মিন্
শ্রী শারদাম্ব বিহিতে তব সুপ্রভাতম্ ..
বাচা সুধা মধুরযা রমণীয সপ্ত
তন্ত্রীপ্রকর্শ মধুরস্বনযা মহত্যা .
দেবর্ষিবর্য ইহ গাযতি ভক্তিনম্রঃ
শ্রী শারদাম্ব মধুরং তব সুপ্রভাতম্ ..
ত্বত্পাদপঙ্কজ পরাগ সুগন্ধলেশম্
আঘ্রায সত্কবিমদভ্রমরা প্রহৃষ্টাঃ .
গাযন্তি কোমলমনোহরবৃত্তপদ্যৈঃ
শ্রী শারদাম্ব ললিতৈস্তব সুপ্রভাতম্ ..
শ্রী ব্যাসশঙ্করসুরেশ্বরপদ্মপাদা
দ্যাচার্যবর্যপরিপূজিত পাদপদ্মে .
লীলাশুকাক্ষবলযোজ্বল পাণিপদ্মে
শ্রী শারদাম্ব পরমে তব সুপ্রভাতম্ ..
পদ্মাক্ষি পদ্মমুখি পদ্মভবাদিবন্দ্যে
পদ্মালযেঽখিলবরাভয পাণিপদ্মে .
হৃত্পদ্মপীঠমধিতিষ্ঠ মমাপি মাতঃ
শ্রী শারদে করুণযা তব সুপ্রভাতম্ ..
যঃ পুস্তকাক্ষবলযাঞ্চিত পাণিপদ্মাম্
বাগীশ্বরীং হৃদযপদ্মগতাং স্মরেত্বাম্ .
বাগীশতাং সমুপযাতি স সদ্য এব
শ্রী শারদাম্ব ভুবনে তব সুপ্রভাতম্ ..
সংসারসাগরমপারমনন্তলোল
কল্লোল দুর্ললিতমেতমতীত্যতূর্ণম্ .
তীর্ণঃ স্বযং স খলু তারযতি শ্রিতাম্শ্চ
শ্রী শারদে স্মরতি যস্তব সুপ্রভাতম্ ..
রাকাশশাঙ্করমণীয মনোজ্ঞকান্তিম্
সোমাবতম্সমকুটাং সুমকোমলাঙ্গীম্ .
ত্বাং সংস্মরামি কৃপযৈব বিলোকযন্তীম্
শ্রী শারদাম্ব হৃদি মাং তব সুপ্রভাতম্ ..
দাতুং ত্রিবর্গমপবর্গমপি ত্রিলোক্যাঃ
নূনং নিজস্মরণতোঽপি সমেধমানে .
ত্বদ্বক্ত্র চন্দ্রমসি চন্দ্রমসাপযাতম্
শ্রী শারদাম্ব শশিনা তব সুপ্রভাতম্ ..
পূর্ণে কলঙ্করহিতে ভুবনার্তিহারি-
ণ্যজ্ঞানসন্তমসভেদিনি ত্বন্মুখেন্দৌ .
নিত্যোদিতে জগতি ভক্তচকোরলোকঃ
শ্রী শারদাম্ব মুদিতস্তব সুপ্রভাতম্ ..
পুণ্যাঃ স্ত্রিযাশ্চ পুরুষাশ্চ কলাবপি ত্বাম্
মাতর্যদা কৃতযুগে পরযাম্ব ভক্ত্যা .
সংসেব্য শৃঙ্গগিরিপীঠগতাং কৃতার্থাঃ
শ্রী শারদে কৃতধিযস্তব সুপ্রভাতম্ ..
ত্বত্সেবনায ভববন্ধবিমুক্তিকামাঃ
কারুণ্যকল্পলতিকে কতিচিন্মহান্তঃ .
আযান্তি শুদ্ধচরিতাস্সুধিযশ্চ ভক্তাঃ
শ্রী শারদে প্রমুদিতাস্তব সুপ্রভাতম্ ..
শ্রী চন্দ্রশেখর জগদ্গুরু সার্বভৌম
শ্রী পাণি পদ্মজ জগদ্গুরুসার্বভৌমৈঃ .
তত্পাণিপঙ্কজ সমুত্থ গুরূত্তমৈশ্চ
শ্রী শারদাম্ব বিনুতে তব সুপ্রভাতম্ ..
যে সজ্জনা অনুদিনং মুদিতাঃ প্রভাতে
ভক্ত্যা পঠন্তি পরযা ভুবি শারদাযাঃ .
শ্রীসুপ্রভাত বিনুতিং সকলৈর্বিমুক্তাঃ
ক্লেশৈঃ প্রযান্তি পুরুষার্থ চতুষ্টযং দ্রাক্ ..
যে সুপ্রভাতমিদমাশ্রিতবত্সলাযাঃ
শ্রদ্ধাযুতা অনুদিনং হৃদি শারদাযাঃ .
প্রাতঃ পঠন্তি মনুজা জগদম্বিকাযাঃ
তে প্রাপ্নুবন্তি সুজনাস্সকালানভীষ্টান্ ..
শ্রী শারদা সুপ্রভাত স্মরণাত্করুণানিধিঃ .
পারদা স্যাত্ ক্ষণেনৈবাপারসংসার বারিধেঃ ..