||ভগবতীপদ্যপুষ্পাংজলিস্তোত্র মহিষাসুরমর্দিনিস্তোত্রম্ ||
শ্রী ত্রিপুরসুন্দর্যৈ নমঃ ||
ভগবতী ভগবত্পদপঙ্কজং ভ্রমরভূতসুরাসুরসেবিতম |
সুজনমানসহংসপরিস্তুতং কমলযাঽমলযা নিভৃতং ভজে ||১||
তে উভে অভিবন্দেঽহং বিঘ্নেশকুলদৈবতে |
নরনাগাননস্ত্বেকো নরসিংহ নমোঽস্তুতে ||২||
হরিগুরুপদপদ্মং শুদ্ধপদ্যেঽনুরাগাদ
বিগতপরমভাগে সন্নিধাযাদরেণ |
তদনুচরি করোমি প্রীতযে ভক্তিভাজাং
ভগবতি পদপদ্মে পদ্যপুষ্পাঞ্জলিং তে ||৩||
কেনৈতে রচিতাঃ কুতো ন নিহিতাঃ শুম্ভাদযো দুর্মদাঃ
কেনৈতে তব পালিতা ইতি হি তত প্রশ্নে কিমাচক্ষ্মহে |
ব্রহ্মাদ্যা অপি শংকিতাঃ স্ববিষযে যস্যাঃ প্রসাদাবধি
প্রীতা সা মহিষাসুরপ্রমথিনীচ্ছ্দ্যাদবদ্যানি মে ||৪||
পাতু শ্রীস্তু চতুর্ভুজা কিমু চতুর্বাহোর্মহৌজান্ভুজান
ধত্তেঽষ্টাদশধা হি কারণগুণান্কার্যে গুণারম্ভকাঃ |
সত্যং দিক্পতিদন্তিসংখ্যভুজভৃচ্ছম্ভুঃ স্বয্ম্ভূঃ স্বযং
ধামৈকপ্রতিপত্তযে কিমথবা পাতুং দশাষ্টৌ দিশঃ ||৫||
প্রীত্যাঽষ্টাদশসংমিতেষু যুগপদ্দ্বীপেষু দাতুং বরান্
ত্রাতুং বা ভযতো বিভর্ষি ভগবত্যষ্টাদশৈতান্ ভুজান্ |
যদ্বাঽষ্টাদশধা ভুজাংস্তু বিভৃতঃ কালী সরস্বত্যুভে
মীলিত্বৈকমিহানযোঃ প্রথযিতুং সা ত্বং রমে রক্ষমাম্ ||৬||
অযি গিরিনংদিনি নংদিতমেদিনি বিশ্ববিনোদিনি নংদনুতে
গিরিবর বিংধ্য শিরোধিনিবাসিনি বিষ্ণুবিলাসিনি জিষ্ণুনুতে |
ভগবতি হে শিতিকণ্ঠকুটুংবিনি ভূরি কুটুংবিনি ভূরি কৃতে
জয জয হে মহিষাসুরমর্দিনি রম্যকপর্দিনি শৈলসুতে ||১||||৭||
সুরবরবর্ষিণি দুর্ধরধর্ষিণি দুর্মুখমর্ষিণি হর্ষরতে
ত্রিভুবনপোষিণি শংকরতোষিণি কিল্বিষমোষিণি ঘোষরতে |
দনুজ নিরোষিণি দিতিসুত রোষিণি দুর্মদ শোষিণি সিন্ধুসুতে
জয জয হে মহিষাসুরমর্দিনি রম্যকপর্দিনি শৈলসুতে ||২||||৮||
অযি জগদংব মদংব কদংব বনপ্রিয বাসিনি হাসরতে
শিখরি শিরোমণি তুঙ্গ হিমালয শৃংগ নিজালয মধ্যগতে |
মধু মধুরে মধু কৈটভ গংজিনি কৈটভ ভংজিনি রাসরতে
জয জয হে মহিষাসুরমর্দিনি রম্যকপর্দিনি শৈলসুতে ||৩||||৯||
অযি শতখণ্ড বিখণ্ডিত রুণ্ড বিতুণ্ডিত শুণ্ড গজাধিপতে
রিপু গজ গণ্ড বিদারণ চণ্ড পরাক্রম শুণ্ড মৃগাধিপতে |
নিজ ভুজ দণ্ড নিপাতিত খণ্ড বিপাতিত মুণ্ড ভটাধিপতে
জয জয হে মহিষাসুরমর্দিনি রম্যকপর্দিনি শৈলসুতে ||৪||||১০||
অযি রণ দুর্মদ শত্রু বধোদিত দুর্ধর নির্জর শক্তিভৃতে
চতুর বিচার ধুরীণ মহাশিব দূতকৃত প্রমথাধিপতে |
দুরিত দুরীহ দুরাশয দুর্মতি দানবদূত কৃতাংতমতে
জয জয হে মহিষাসুরমর্দিনি রম্যকপর্দিনি শৈলসুতে ||৫||||১১||
অযি শরণাগত বৈরি বধূবর বীর বরাভয দাযকরে
ত্রিভুবন মস্তক শূল বিরোধি শিরোধি কৃতামল শূলকরে |
দুমিদুমি তামর দুংদুভিনাদ মহো মুখরীকৃত তিগ্মকরে
জয জয হে মহিষাসুরমর্দিনি রম্যকপর্দিনি শৈলসুতে ||৬||||১২||
অযি নিজ হুঁকৃতি মাত্র নিরাকৃত ধূম্র বিলোচন ধূম্র শতে
সমর বিশোষিত শোণিত বীজ সমুদ্ভব শোণিত বীজ লতে |
শিব শিব শুংভ নিশুংভ মহাহব তর্পিত ভূত পিশাচরতে
জয জয হে মহিষাসুরমর্দিনি রম্যকপর্দিনি শৈলসুতে ||৭||||১৩||
ধনুরনু সংগ রণক্ষণসংগ পরিস্ফুর দংগ নটত্কটকে
কনক পিশংগ পৃষত্ক নিষংগ রসদ্ভট শৃংগ হতাবটুকে |
কৃত চতুরঙ্গ বলক্ষিতি রঙ্গ ঘটদ্বহুরঙ্গ রটদ্বটুকে
জয জয হে মহিষাসুরমর্দিনি রম্যকপর্দিনি শৈলসুতে ||১৪||
সুরললনাততথেযিতথেযিতথাভিনযোত্তরনৃত্যরতে
হাসবিলাসহুলাসমযি প্রণতার্তজনেঽমিতপ্রেমভরে |
ধিমিকিটধিক্কটধিকটধিমিধ্বনিঘোরমৃদংগনিনাদরতে
জয জয হে মহিষাসুরমর্দিনি রম্যকপর্দিনি শৈলসুতে ||৮||||১৫||
জয জয জপ্য জযেজয শব্দ পরস্তুতি তত্পর বিশ্বনুতে
ভণ ভণ ভিঞ্জিমি ভিংকৃত নূপুর সিংজিত মোহিত ভূতপতে |
নটিত নটার্ধ নটীনট নাযক নাটিত নাট্য সুগানরতে
জয জয হে মহিষাসুরমর্দিনি রম্যকপর্দিনি শৈলসুতে ||৯||||১৬||
অযি সুমনঃ সুমনঃ সুমনঃ সুমনঃ সুমনোহর কাংতিযুতে
শ্রিত রজনী রজনী রজনী রজনী রজনীকর বক্ত্রবৃতে |
সুনযন বিভ্রমর ভ্রমর ভ্রমর ভ্রমর ভ্রমরাধিপতে
জয জয হে মহিষাসুরমর্দিনি রম্যকপর্দিনি শৈলসুতে ||১০||||১৭||
সহিত মহাহব মল্লম তল্লিক মল্লিত রল্লক মল্লরতে
বিরচিত বল্লিক পল্লিক মল্লিক ভিল্লিক ভিল্লিক বর্গ বৃতে |
সিতকৃত পুল্লিসমুল্ল সিতারুণ তল্লজ পল্লব সল্ললিতে
জয জয হে মহিষাসুরমর্দিনি রম্যকপর্দিনি শৈলসুতে ||১১||||১৮||
অবিরল গণ্ড গলন্মদ মেদুর মত্ত মতঙ্গজ রাজপতে
ত্রিভুবন ভূষণ ভূত কলানিধি রূপ পযোনিধি রাজসুতে |
অযি সুদ তীজন লালসমানস মোহন মন্মথ রাজসুতে
জয জয হে মহিষাসুরমর্দিনি রম্যকপর্দিনি শৈলসুতে ||১২||||১৯||
কমল দলামল কোমল কাংতি কলাকলিতামল ভাললতে
সকল বিলাস কলানিলযক্রম কেলি চলত্কল হংস কুলে |
অলিকুল সঙ্কুল কুবলয মণ্ডল মৌলিমিলদ্ভকুলালি কুলে
জয জয হে মহিষাসুরমর্দিনি রম্যকপর্দিনি শৈলসুতে ||১৩||||২০||
কর মুরলী রব বীজিত কূজিত লজ্জিত কোকিল মঞ্জুমতে
মিলিত পুলিন্দ মনোহর গুঞ্জিত রংজিতশৈল নিকুঞ্জগতে |
নিজগুণ ভূত মহাশবরীগণ সদ্গুণ সংভৃত কেলিতলে
জয জয হে মহিষাসুরমর্দিনি রম্যকপর্দিনি শৈলসুতে ||১৪||||২১||
কটিতট পীত দুকূল বিচিত্র মযূখতিরস্কৃত চংদ্র রুচে
প্রণত সুরাসুর মৌলিমণিস্ফুর দংশুল সন্নখ চংদ্র রুচে |
জিত কনকাচল মৌলিপদোর্জিত নির্ভর কুংজর কুংভকুচে
জয জয হে মহিষাসুরমর্দিনি রম্যকপর্দিনি শৈলসুতে ||১৫||||২২||
বিজিত সহস্রকরৈক সহস্রকরৈক সহস্রকরৈকনুতে
কৃত সুরতারক সঙ্গরতারক সঙ্গরতারক সূনুসুতে |
সুরথ সমাধি সমানসমাধি সমাধিসমাধি সুজাতরতে
জয জয হে মহিষাসুরমর্দিনি রম্যকপর্দিনি শৈলসুতে ||১৬||||২৩||
পদকমলং করুণানিলযে বরিবস্যতি যোঽনুদিনং স শিবে
অযি কমলে কমলানিলযে কমলানিলযঃ স কথং ন ভবেত্ |
তব পদমেব পরংপদমিত্যনুশীলযতো মম কিং ন শিবে
জয জয হে মহিষাসুরমর্দিনি রম্যকপর্দিনি শৈলসুতে ||১৭||||২৪||
কনকলসত্কল সিন্ধু জলৈরনু সিঞ্চিনুতে গুণ রঙ্গভুবং
ভজতি স কিং ন শচীকুচ কুংভ তটী পরিরংভ সুখানুভবম্ |
তব চরণং শরণং করবাণি নতামরবাণি নিবাসি শিবং
জয জয হে মহিষাসুরমর্দিনি রম্যকপর্দিনি শৈলসুতে ||১৮||||২৫||
তব বিমলেন্দুকুলং বদনেন্দুমলং সকলং ননু কূলযতে
কিমু পুরুহূত পুরীন্দুমুখী সুমুখীভিরসৌ বিমুখীক্রিযতে |
মম তু মতং শিবনামধনে ভবতী কৃপযা কিমুত ক্রিযতে
জয জয হে মহিষাসুরমর্দিনি রম্যকপর্দিনি শৈলসুতে ||১৯||||২৬||
অযি মযি দীনদযালুতযা কৃপযৈব ত্বযা ভবিতব্যমুমে
অযি জগতো জননী কৃপযাসি যথাসি তথাঽনুমিতাসিরতে |
যদুচিতমত্র ভবত্যুররি কুরুতাদুরুতাপমপাকুরুতে
জয জয হে মহিষাসুরমর্দিনি রম্যকপর্দিনি শৈলসুতে ||২০||||২৭||
স্তুতিমিতস্তিমিতঃ সুসমাধিনা নিযমতোঽযমতোঽনুদিনং পঠেত |
পরমযা রমযাপি নিষেব্যতে পরিজনোঽরিজনোঽপি চ তং ভজেত্ ||২৮||
রমযতি কিল কর্ষস্তেষু চিত্তং নরাণামবরজবর যস্মাদ্রামকৃষ্ণঃ কবীনাম্ |
অকৃত সুকৃতিগম্যং রম্যপদ্দৈকহর্ম্যং স্তবনমবনহেতুং প্রীতযে বিশ্বমাতুঃ ||২৯||
ইন্দুরম্যো মুহুর্বিন্দুরম্যো মুহুর্বিন্দুরম্যো যতঃ সোঽনবদ্যঃ স্মৃতঃ |
শ্রীপতেঃ সূনূনা কারিতো যোঽধুনা বিশ্বমাতুঃ পদে পদ্যপুষ্পাঞ্জলিঃ ||৩০||
ইতি শ্রীভগবতীপদ্যপুষ্পাঞ্জলিস্তোত্রম ||
নোট নিতে এবং টেক্সট হাইলাইট করতে লগইন করুন
লগইন