যোগবিষয

 .. যোগবিষয ..

          .. যোগবিষযঃ ..

গুরুশ্চ গুরুপুত্রশ্চ যে চান্যে গুরুবান্ধবাঃ.
অন্যোষংচ ক্রমাজ্জ্যেষ্ঠাস্তেষাং পাদৌ নমাম্যহম্ .. ১..
যদৃশী ভাবনাতিতং তং গুরুং প্রণমাম্যহম্.
ভ্রান্তশ্চ ভ্রমতে লোকো নির্ভ্রান্তঃ কৃতনিশ্চযঃ .. ২..
তস্য সিধ্যন্তি পুরুষা আদিনাথে ব্যবস্থিতাঃ.
কুলজাতিসমাযুক্তঃ সুচরিত্রগুণান্বিতঃ .. ৩..
গুরুভক্তিযুতো ধীমান্ স শিষ্য ইতি কথ্যতে.
আকুলেনাদিনাথেন কেজাপূপীনবাসিনা .. ৪..
কৃপযৈব পরং তত্ত্বং মীননাথোঽপি বোধতঃ.
মীননাথোঽপি সচ্ছিষ্যং প্রত্যুবাচ সমাহিতঃ .. ৫..
ত্বং গুরুস্ত্বঞ্চ শিষ্যশ্চ শিষ্যস্য চ গুরোরপি.
নানযোরপি ভদ্রেঽঅত্র সমসিদ্ধিঃ প্রজাযতে .. ৬..
উমাষঙ্করপুত্রোঽহং মীননাথো মুনীশ্বরঃ.
কথযামি পরং তত্ত্বং কুলাকুলবিবোধকম্ .. ৭..
আধারঃ স্বাধিষ্ঠানঞ্চ মণিপূরসনাহতম্.
বিশুদ্ধিরাজ্ঞা কৌলানি ষট্ চক্রাণি শুভানি চ .. ৮..
আধারশ্চ গুদে তস্থৌ স্বাধিষ্ঠানঞ্চ লিঙ্গকে.
মণিপূরং নাভিগতং হৃদযে চাপ্যনাহতম্ .. ৯..
বিশুদ্ধিঃ কণ্ঠদেশে চ আজ্ঞাচক্রং ভ্রুবোর্মুখম্.
চক্রভেদমিতি জ্ঞাত্বা চক্রাতীতং নিরঞ্জনম্ .. ১০..
ইডা বহতি বামে চ পিঙ্গলা বহতি দক্ষিণে.
ইদাপিঙ্গলযোর্মধ্যে সুষুম্না সুখরূপিণী .. ১১..
আধারে লিঙ্গনাভৌ হৃদযসরসিজে তালুমূলে ললাটে.
দ্বে পত্র ষোডশারে দ্বিদশদশদলে দ্বাদশার্ধে চতুষ্কে
নাসান্তে বালমধ্যে ডফকঠসহিতে কণ্ঠদেশে স্বরাণাম্
হং ক্ষং তত্ত্বার্থযুক্তং সকলদলগতং বর্ণরূপং নমামি .. ১২..
প্রাণোঽপানঃ সমানশ্চ উদানো ব্যান এব চ.
পঞ্চকর্মেন্দ্রযযুক্তঃ ক্রিযাশক্তিসমুদ্যতাঃ .. ১৩..
নাগঃ কূর্মশ্চ কৃকরো দেবদত্তো ধনঞ্জযঃ.
পঞ্চজ্ঞানেন্দ্রিযৈর্যুক্তাঃ বুদ্ধিশক্তিসমন্বিতাঃ .. ১৪..
পাবকশ্শক্তিমধ্যস্থো নাভিচক্রে রবিঃ স্থিতঃ.
বন্ধমুদ্রা কৃতাস্সর্বে নাসাগ্রে তু সুলোচনম্ .. ১৫..
অকারো বহ্নিদেশে চ উকারো হৃদি সংস্থিতঃ.
মকারশ্চঃ ভ্রুবোর্মধ্যে বচনাচ্চ নিবোধযেত্ .. ১৬..
ব্রহ্মগ্রন্থিরধষ্কারে বিষ্নুগ্রন্থির্হৃদি স্থিতঃ.
রুদ্রগ্রন্থির্ভ্রুবোর্মধ্যে বিমুচ্যন্তে ত্রযস্তথা .. ১৭..
অকারো ব্রহ্ম ইত্যাহুঃ উকারো বিষ্ণুরুচ্যতে.
মকারে চ শিবং সাক্ষাচ্ছন্তেশ্শান্ততরং পরম্ .. ১৮..
কণ্ঠসংকোচনং কৃত্বা দ্বে নাড্যৌ স্তম্ভযেদ্ দৃঢম্.
রসনাপিড্যমানান্তু ষোডশশ্চোর্ধ্বগামিনি .. ১৯..
ত্রিকূটং ত্রিহঠাচৈব গোল্হাটং শিখরং তথা.
ত্রিশিখং বজ্রমোঙ্কার মূর্ধ্বনাখং ভ্রুবোর্মুখম্ .. ২০..
আকুঞ্চযেদ্রবিঞ্চৈব পশ্চান্নাডী প্রবর্ততে.
ভেদে ত্রিহঠসংঘট্টমুভযোশ্শশিদর্শনম্ .. ২১..
প্রণবা গুদনালা চ নলিনী সর্পিণী তথা.
বঙ্কনালি ক্ষযা শৌরী কুণ্দলী কুন্দলাঃ স্মৃতাঃ .. ২২..
কুণ্দলীং চালযেত্ প্রাণো ভেদিতে শশিমণ্ডলে.
সিধ্যন্তি বজ্রগুম্ভানি নব দ্বারাণি বন্ধযেত্ .. ২৩..
সুমনঃ পাবনারূঢঃ স গাঢং নির্গুণস্তথা.
ব্রহ্মস্থাননিনাদেন শংখিন্যামৃতবর্ষিণী .. ২৪..
ষট্চক্রমণ্ডলোদ্ধারং জ্ঞানদীপং প্রকাশযেত্.
সর্বেষাং স্নাপনং দেহে ক্রিযতে দেবতার্চনম্ .. ২৫..
চন্দ্রামৃতেন চিদ্রুপমীশ্বরং স্নাপ্য ভক্তিতঃ.
মনঃপুষ্পং তথা দেযমর্চতেত্পরমং শিবম্ .. ২৬..
আত্মরূপং তমালোক্য জ্ঞানরূপং নিরামযম্.
দৃশ্যতে দেহরূপেণ সর্বব্যাপী নিরঞ্জনঃ .. ২৭..
হংস হংস পদে বাক্যং প্রাণিনাং দেহমাশ্রিতঃ.
সম্প্রাণাপানযোর্গ্রন্থিরূপে .. . ত্যভিধীযতে .. ২৮..
সহস্রমেকঞ্চ যুতং ষট্ছতং চৈব সর্বদা.
উচ্চারপদতো হংসঃ সোঽহমিত্যভিধীযতে .. ২৯..
পূর্বভাগে মথো লিঙ্গং শংখিন্যাং চৈব পশ্চিমম্.
জ্যোতির্লিঙ্গং ভ্রুবোর্মধ্যে রক্তশুক্লাত্মকং শিবম্ .. ৩০..
পূর্বপশ্চিমদিগ্ভাগে বজ্রদ্ণ্ডে ব্যবস্থিতে.
দ্বৌ ষষ্টিভোগিনী স্থানং পশাল্লিঙ্গং প্রকাশযেত্ .. ৩১..
শীতাশীতং পরং স্থানং মেদোমজ্জাভিপূরিতম্.
স্রবতি ব্রহ্মণঃ স্থানাত্ সিঞ্চতে ভুবনত্রযম্ .. ৩২..
সর্বব্যাধিক্রিযাকর্ম বাতপিত্তসমন্বিতম্.
দশাষ্টদোষরহিতং মীননাথেন কথ্যতে .. ৩৩..

          .. ইতি মত্স্যেন্দ্রনাথবিরচিতং ভক্তিসং সম্পূর্ণম্ ..