সৌভাগ্যাষ্টোত্তরশতনামস্তোত্রম্

.. সৌভাগ্যাষ্টোত্তরশতনামস্তোত্রম্ ..

দত্তাত্রযেণ সৌভাগ্যাষ্টোত্তরশতনামস্তোত্রোপদেশবর্ণনম্
নিশম্যৈতজ্জামদগ্ন্যো মাহাত্ম্যং সর্বতোঽধিকম্ .
স্তোত্রস্য ভূযঃ পপ্রচ্ছ দত্তাত্রেযং গুরূত্তমম্ .. ১ ..
ভগবন্ ত্বন্মুখাম্ভোজনির্গমদ্বাক্সুধারসম্ .
পিবতঃ শ্রোতমুখতো বর্ধতেঽনুক্ষণং তৃষা .. ২ ..
অষ্টোত্তরশতং নাম্নাং শ্রীদেব্যা যত্প্রসাদতঃ .
কামঃ সম্প্রাপ্তবান্ লোকে সৌভাগ্যং সর্বমোহনম্ .. ৩ ..
সৌভাগ্যবিদ্যাবর্ণানামুদ্ধারো যত্র সংস্থিতঃ .
তত্সমাচক্ষ্ব ভগবন্ কৃপযা মযি সেবকে .. ৪ ..
নিশম্যৈবং ভার্গবোক্তিং দত্তাত্রেযো দযানিধিঃ .
প্রোবাচ ভার্গবং রামং মধুরাঽক্ষরপূর্বকম্ .. ৫ ..
শৃণু ভার্গব ! যত্ পৃষ্টং নাম্নামষ্টোত্তরং শতম্ .
শ্রীবিদ্যাবর্ণরত্নানাং নিধানমিবসংস্থিতম্ .. ৬ ..
শ্রীদেব্যা বহুধা সন্তি নামানি শৃণু ভার্গব .
সহস্রশতসংখ্যানি পুরাণেষ্বাগমেষু চ .. ৭ ..
তেষু সারতমং হ্যেতত্সৌভাগ্যাঽষ্টোত্তরাঽঽত্মকম্ .
যদুবাচ শিবঃ পূর্বং ভবান্যৈ বহুধাঽর্থিতঃ .. ৮ ..
সৌভাগ্যাঽষ্টোত্তরশতনামস্তোত্রস্য ভার্গব .
ঋষিরুক্তঃ শিবশ্ছন্দোঽনুষ্টুপ্ শ্রীললিতাঽম্বিকা .. ৯ ..
দেবতা বিন্যসেত্কূটত্রযেণাঽঽবর্ত্য সর্বতঃ .
ধ্যাত্বা সম্পূজ্য মনসা স্তোত্রমেতদুদীরযেত্ .. ১০ ..
           .. ত্রিপুরাম্বিকাযৈনমঃ ..
কামেশ্বরী কামশক্তিঃ কামসৌভাগ্যদাযিনী.
কামরূপা কামকলা কামিনী কমলাঽঽসনা .. ১১ ..
কমলা কল্পনাহীনা কমনীযা কলাবতী .
কমলাভারতীসেব্যা কল্পিতাঽশেষসংসৃতিঃ .. ১২ ..
অনুত্তরাঽনঘাঽনন্তা অদ্ভুতরূপা অনলোদ্ভবা .
অতিলোকচরিত্রাঽতিসুন্দর্যতিশুভপ্রদা .. ১৩ ..
অঘহন্ত্র্যতিবিস্তারা অর্চনতুষ্টা অমিতপ্রভা .
একরূপা একবীরা একনাথা একান্তার্চনপ্রিযা .. ১৪ ..
একৈকভাবতুষ্টৈকরসৈকান্তজনপ্রিযা .
এধমানপ্রভাব এধদ্ভক্তপাতকনাশিনী .. ১৫ ..
এলামোদমুখৈনোঽদ্রিশক্রাযুধসমস্থিতিঃ .
ঈহাশূন্যোপ্সিতেশাদিসেব্যেশানবরাঙ্গনা .. ১৬ ..
ঈশ্বরাঽঽজ্ঞাপিকেকারভাব্যা ঈপ্সিতফলপ্রদা .
ঈশানোতিহরেক্ষেদরুণাক্ষীশ্বরেশ্বরী .. ১৭ ..
ললিতা ললনারূপা লযহীনা লসত্তনুঃ .
লযসর্বা লযক্ষোণিঃ লযকর্ণী লযাত্মিকা .. ১৮ ..
লঘিমা লঘুমধ্যাঽঽঢ্যা ললমানা লঘুদ্রুতা .
হযাঽঽরূঢা হতাঽমিত্রা হরকান্তা হরিস্তুতা .. ১৯ ..
হযগ্রীবেষ্টদা হালাপ্রিযা হর্ষসমুদ্ধতা .
হর্ষণা হল্লকাভাঙ্গী হস্ত্যন্তৈশ্বর্যদাযিনী .. ২০ ..
হলহস্তাঽর্চিতপদা হবির্দানপ্রসাদিনী .
রামরামাঽর্চিতা রাজ্ঞী রম্যা রবমযী রতিঃ .. ২১ ..
রক্ষিণী রমণী রাকা রমণীমণ্ডলপ্রিযা .
রক্ষিতাঽখিললোকেশা রক্ষোগণনিষূদিনী .. ২২ ..
অম্বান্তকারিণ্যম্ভোজপ্রিযাঽন্তকভযঙ্করী .
অম্বুরূপা অম্বুজকরা অম্বুজজাতবরপ্রদা .. ২৩ ..
অন্তঃপুজাপ্রিযাঽন্তঃস্বরূপিণ্যন্তর্বচোমযী .
অন্তকাঽরাতিবামাঙ্কস্থিতা অন্তঃসুখস্বরূপিণী .. ২৪ ..
সর্বজ্ঞা সর্বগা সারা সমা সমসুখা সতী .
সন্ততিঃ সন্ততা সোমা সর্বা সাঙ্খ্যা সনাতনী .. ২৫ ..
           .. ফলশ্রুতিঃ ..
এতত্তে কথিতং রাম নাম্নামষ্টোত্তরং শতম্ .
অতিগোপ্যমিদং নাম্নাঃ সর্বতঃ সারমুদ্ধৃতম্ .. ২৬ ..
এতস্য সদৃশং স্তোত্রং ত্রিষু লোকেষু দুর্লভম্ .
অপ্রাকশম্যভক্তানাং পুরতো দেবতাদ্বিষাম্ .. ২৭ ..
এতত্ সদাশিবো নিত্যং পঠন্ত্যন্যে হরাদযঃ .
এতত্প্রভাবট্কন্দর্পস্ত্রৈলোক্যং জযতি ক্ষণাত্ .. ২৮ ..
সৌভাগ্যাঽষ্টোত্তরশতনামস্তোত্রং মনোহরম্ .
যস্ত্রিসন্ধ্যং পঠেন্নিত্যং ন তস্য ভুবি দুর্লভম্ .. ২৯ ..
শ্রীবিদ্যোপাসনবতামেতদাবশ্যকং মতম্ .
সকৃদেতত্প্রপঠতাং নাঽন্যত্কর্ম বিলুপ্যতে .. ৩০ ..
অপঠিত্বা স্তোত্রমিদং নিত্যং নৈমিত্তিকং কৃতম্ .
ব্যর্থীভবতি নগ্নেন কৃতং কর্ম যথা তথা .. ৩১ ..
সহস্রনামপাথাদাবশক্তস্ত্বেতদীরযেত্ .
সহস্রনামপাঠস্য ফলং শতগুণং ভবেত্ .. ৩২ ..
সহস্রধা পঠিত্বা তু বীক্ষণান্নাশযেদ্রিপূন্ .
করবীররক্তপুষ্পৈর্হুত্বা লোকান্ বশং নযেত্ .. ৩৩ ..
স্তম্ভেযত্ শ্বেতকুসুমৈর্নীলৈরুচ্চাটযেদ্রিপূন্ .
মরিচৈর্বিদ্বিষেণায লবঙ্গৈর্ব্যাধিনাশনে .. ৩৪ ..
সুবাসিনীর্ব্রাহ্মণান্ বা ভোজযেদ্যস্তু নামাভিঃ .
যশ্চ পুষ্পৈঃ ফলৈর্বাপি পূজযেত্ প্রতিনামভিঃ .. ৩৫ ..
চক্ররাজেঽথবাঽন্যত্র স বসেচ্ছ্রীপুরে চিরম্ .
যঃ সদা বর্তযন্নাস্তে নামাঽষ্টশতমুত্তমম্ .. ৩৬ ..
তস্য শ্রীললিতা রাজ্ঞী প্রসন্না বাঞ্ছিতপ্রদা ..