কামাক্ষী সুপ্রভাতম্

.. শ্রী কামাক্ষী সুপ্রভাতম্ ..
শ্রী দেবী ধ্যানম্

জগদবন বিধৌ ত্বং জাগ রূকা ভবানি
         তব তু জননি নিদ্রামাত্মবত্কল্পযিত্বা .
প্রতিদিবসমহং ত্বাং বোধযামি প্রভাতে
         ত্বযি কৃতমপরাধং সর্বমেতং ক্ষমস্ব .. ১..

যদি প্রভাতং তব সুপ্রভাতং
         তদা প্রভাতং মম সুপ্রভাতম্ .
তস্মাত্প্রভাতে তব সুপ্রভাতং
         বক্ষ্যামি মাতঃ কুরু সুপ্রভাতম্ .. ২..

গুরু ধ্যানম্

যস্যাঙ্ঘ্রিপদ্ম মকরন্দনিষেবণাত্ ত্বং
         জিব্হাং গতাঽসি বরদে মম মন্দ বদ্ধঃ .
যস্যাংব নিত্যমনঘে হৃদযে বিভাসি
         তং চন্দ্রশেখর গুরুং প্রণমামি নিত্যম্ .. ৩..

জযে জযেন্দ্রো গুরুণা গ্রহীতো
         মঠাধিপত্যে শশিশেখরেণ .
যথা গুরুস্সর্ব গুণোপপন্নো
         জযত্যসৌ মঙ্গ঳মাতনোতু .. ৪..

শুভং দিশতু নো দেবী কামাক্ষী সর্ব মঙ্গ঳া
         শুভং দিশতু নো দেবী কামকোটী মটেশঃ .
শুভং দিশতু তচ্চিষ্য সদ্গুরুর্নো জযেন্দ্রো
         সর্বং মঙ্গ঳মেবাস্তু মঙ্গ঳ানি ভবন্তু নঃ .. ৫..

.. শুভম্ ..

.. শ্রীঃ ..

কামাক্ষি দেব্যংব তবাদ্রর্দৃষ্ট্যা
         মূকস্বযং মূককবীর্যথাঽসীত্ .
তথা কুরুত্বং পরমেশ জাযে
         ত্বত্পাদমূলে প্রণতং দযাদ্রের্ ..

উত্তিষ্ঠোত্তিষ্ঠ বরদে উত্তিষ্ঠ জগদেশ্বরি .
উত্তিষ্ঠ জগদাধারে ত্রৈলোক্যাং মঙ্গ঳ং কুরু .. ১..

শৃণোষি কচ্চিদ্ ধ্বনিরুত্থিতোঽযম্
         মৃদঙ্গভেরীপটহানকানাম্ .
বেদধ্বনিং শিক্ষিতভূসুরাণাম্ .
         শৃণোষি ভদ্রে কুরু সুপ্রভাতম্ .. ২..

শৃণোষি ভদ্রে ননু শঙ্খ ঘোষম্
         বৈতা঳িকানাং মধুরং চ গানম্ .
শৃণোষি মাতঃ পিককুক্কুটানাম্
         ধ্বনিং প্রভাতে কুরু সুপ্রভাতম্ .. ৩..

মাতর্নিরীক্ষ বদনং ভগবান্শশাঙ্কো
         লজ্জান্বিতঃ স্বযমহো নিলযং প্রবিষ্টঃ .
দ্রষ্টুং ত্বদীয বদনং ভগবান্দিনেশো
         হ্যাযাতি দেবি সদনং কুরু সুপ্রভাতম্ .. ৪..

পশ্যাম্ব কেচিত্ঘৃতপূর্ণকুম্ভাঃ
         কেচিদ্ দযাদ্রের্ ধৃতপুষ্পমালাঃ .
কাচিত্শুভাঙ্গযো ননুবাদ্যহস্তাঃ
         তিষ্ঠন্তি তেষাং কুরু সুপ্রভাতম্ .. ৫..

ভেরীমৃদঙ্গপণবানকবাদ্যহস্তাঃ
         স্তোতুং মহেশদযিতে স্তুতিপাঠকাত্বাম্ .
তিষ্ঠন্তি দেবি সমযং তব কাঙ্ক্ষমাণা
         হ্যুত্তিষ্ঠ দিব্যশযনাত্ কুরু সুপ্রভাতম্ .. ৬..

মাতর্নিরীক্ষ বদনং ভগবান্ত্বদীযম্
         নৈবোত্থিতশ্শশিধিযা শযিতস্তবাঙ্কে .
সংবোধযাশু গিরিজে বিমলং প্রভাতম্
         জাতং মহেশদযিতে কুরু সুপ্রভাতম্ .. ৭..

অন্তশ্চরন্ত্যাস্তব ভূষণানাম্
         ঝল্ঝল্ধ্বনিং নূপুরকঙ্কণানাম্ .
শৃত্বা প্রভাতে তব দর্শনার্থী
         দ্বারি স্থিতোঽহং কুরু সুপ্রভাতম্ .. ৮..

বাণী পুস্তকমংবিকে গিরিসুতে পদ্মানি পদ্মাসনা
         রংভা ত্বংবরডংবরং গিরিসুতা গঙ্গা চ গঙ্গাজলম্ .
কা঳ী তা঳যুগং মৃদঙ্গযুগ঳ং বৃন্দা চ নন্দা তথা .
         নীলা নির্মলদর্পণ ধৃতবতী তাসাং প্রভাতং শুভম্ .. ৯..

উত্থায দেবি শযনাদ্ভগবান্পুরারিঃ
         স্নাতুং প্রযাতি গিরিজে সুরলোকনদ্যাম্ .
নৈকো হি গন্তুমনঘে রমতে দযাদ্রের্
         হ্যুত্তিষ্ঠ দেবি শযনাত্কুরু সুপ্রভাতম্ .. ১০..

পশ্যাংব কেচিত্ফলপুষ্পহস্তাঃ
         কেচিত্পুরাণানি পঠন্তি মাতঃ .
পঠন্তি বেদান্বহবস্তবারে
         তেষাং জনানাং কুরু সুপ্রভাতম্ .. ১১..

লাবণ্যশেবধিমবেক্ষ্য চিরং ত্বদীযম্
         কন্দর্পদর্পদ঳নোঽপি বশংগতস্তে .
কামারিচুম্বিতকপোলযুগং ত্বদীযং
         দ্রষ্টুং স্থিতাঃ বযমযে কুরু সুপ্রভাতম্ .. ১২..

গাঙ্গেযতোযমমবাহ্য মুনীশ্বরাস্ত্বাং
         গঙ্গাজলৈঃ স্নপযিতুং বহবো ঘটাংশ্চ .
ধৃত্বা শিরস্সু ভবতীমভিকাঙ্ক্ষমাণাঃ
         দ্বারি স্থিতা হি বরদে কুরু সুপ্রভাতম্ .. ১৩..

মন্দারকুন্দকুসুমৈরপি জাতিপুষ্পৈঃ
         মালাকৃতা বিরচিতানি মনোহরাণি .
মাল্যানি দিব্যপদযোরপি দাতুমংব
         তিষ্ঠন্তি দেবি মুনযঃ কুরু সুপ্রভাতম্ .. ১৪..

কাঞ্চীকলাপপরিরংভনিতম্ববিম্বম্
         কাশ্মীরচন্দনবিলেপিতকণ্ঠদেশম্ .
কামেশচুম্বিতকপোলমুদারনাসাং
         দ্রষ্ঠুং স্থিতাঃ বযমযে কুরু সুপ্রভাতম্ .. ১৫..

মন্দস্মিতং বিমলচারুবিশালনেত্রম্
         কণ্ঠস্থলং কমলকোমলগর্ভগৌরম্ .
চক্রাঙ্কিতং চ যুগ঳ং পদযোমৃর্গাক্ষি
         দ্রষ্টং স্থিতাঃ বযমযে কুরু সুপ্রভাতম্ .. ১৬..

মন্দস্মিতং ত্রিপুরনাশকরং পুরারেঃ
         কামেশ্বরপ্রণযকোপহরং স্মিতং তে .
মন্দস্মিতং বিপুলহাসমবেক্ষিতুং .
         তে মাতঃ স্থিতাঃ বযমযে কুরু সুপ্রভাতম্ ..১৭..

মাতা শিশূনাং পরিরক্ষণার্থম্
         ন চৈব নিদ্রাবশমেতি লোকে .
মাতা ত্রযাণাং জগতাং গতিস্ত্বম্
         সদা বিনিদ্রা কুরু সুপ্রভাতম্ .. ১৮..

মাতর্মুরারিকমলাসনবন্দিতাঙ্ঘ্র্যাঃ
         হৃদ্যানি দিব্যমধুরাণি মনোহরাণি .
শ্রোতুং তবাংব বচনানি শুভপ্রদানি
         দ্বারি স্থিতা বযমযে কুরু সুপ্রভাতম্ .. ১৯..

দিগংবরো ব্রহ্মকপালপাণিঃ
         বিকীর্ণকেশঃ ফণিবেষ্ঠিতাঙ্গঃ .
তথাঽপি মাতস্তব দেবিসঙ্গাত্
         মহেশ্বরোঽভূত্ কুরু সুপ্রভাতম্ .. ২০..

অযি তু জননি দত্তস্তন্যপানেন দেবি
         দ্রবিডশিশুরভূদ্বৈ জ্ঞানসম্বন্ধমূর্তিঃ .
দ্রবিডতনযভুক্তক্ষীরশেষং ভবানী
         বিতরসি যদি মাতঃ সুপ্রভাতং ভবেন্মে .. ২১..

জননি তব কুমারঃ স্তন্যপানপ্রভাবাত্
         শিশুরপি তব ভর্তুঃ কর্ণমূলে ভবানি .
প্রণবপদবিশেষং বোধযামাস দেবি
         যদি মযি চ কৃপা তে সুপ্রভাতং ভবেন্মে .. ২২..

ত্বং বিশ্বনাথস্য বিশালনেত্রা
         হালস্যনাথস্য নু মীননেত্রা .
একাম্রনাথস্য নু কামনেত্রা
         কামেশজাযে কুরু সুপ্রভাতম্ .. ২৩..

শ্রীচন্দ্রশেখর গুরুর্ভগবান্ শরণ্যে .
ত্বত্পাদভক্তিভরিতঃ ফলপুষ্পপাণিঃ .
একাম্রনাথদযিতে তব দর্শনার্থী .
তিষ্ঠত্যযং যতিবরো মম সুপ্রভাতম্ .. ২৪..

একাম্রনাথদযিতে ননু কামপীঠে
          সংপূজিতাঽসি বরদে গুরুশঙ্করেণ .
শ্রীশঙ্করাদিগুরুবর্যসমর্চিতাঙ্ঘ্রিম্
          দ্রষ্টুং শিতা বযমযে কুরু সুপ্রভাতম্ .. ২৫..

দুরিতশমনদক্ষৌ মৃত্যুসন্তাসদক্ষৌ
          চরণমুপগতানাং মুক্তিদৌ জ্ঞানদৌ তৌ .
অভযবরদহস্তৌ দ্রষ্টুমংব স্থিতোঽহং
          ত্রিপুরদ঳নজাযে সুপ্রভাতং মমার্যে .. ২৬..

মাতস্তদীযচরণং হরিপদ্মজাদ্যৈঃ
          বন্দ্যং রথাঙ্গসরসীরুহশঙ্খচিন্হম্ .
দ্রষ্টুং চ যোগিজনমানসরাজহংসং
          দ্বারি স্থিতোস্মি বরদে কুরু সুপ্রভাতম্ .. ২৭..

পশ্যন্তু কেচিদ্বদনং ত্বদীযং
          স্তুবন্তু কল্যাণগুণাংস্তবান্যে .
নমন্তু পাদাব্জ যুগং ত্বদীযাঃ
          দ্বারি স্থিতানাং কুরু সুপ্রভাতম্ .. ২৮..

কেচিত্সুমেরোশ্শিখরেঽতিতুঙ্গে
          কেচিত্মণিদ্বীপবরে বিশালে .
পশ্যন্তু কেচিত্ত্বমৃদাভ্ধিমধ্যে
          পশ্যাম্যহং ত্বামিহ সুপ্রভাতম্ .. ২৯..

শংভোর্বামাঙ্কসংস্থাং শশিনিভবদনাং নীলপদ্মাযতাক্ষীং
          শ্যামাঙ্গাং চারুহাসাং নিবিডতরকুচাং পক্ববিংবাধরোষ্ঠীম্ .
কামাক্ষীং  কামদাত্রীং  কুটিলকচভরাং  ভূষণৈর্ভূষিতাঙ্গীং
          পশ্যামস্সুপ্রভাতে প্রণতজনিমতামদ্য নঃ সুপ্রভাতম্ .. ৩০..

কামপ্রদাকল্পতরুর্বিভাসি
          নান্যা গতির্মে ননু চাতকোঽহম্ .
বর্ষ্যস্যমোঘঃ কনকাংবুধারাঃ
          কাশ্চিত্তু ধারাঃ মযি কল্পযাশু .. ৩১..

ত্রিলোচনপ্রিযাং বন্দে বন্দে ত্রিপুরসুন্দরীম্ .
ত্রিলোকনাযিকাং বন্দে সুপ্রভাতং মমাংবিকে .. ৩২..

কৃতজ্ঞতা

কামাক্ষি দেব্যংব তবার্দ্রদৃষ্ট্যা
           কৃতং মযেদং খলু সুপ্রভাতম্ .
সদ্যঃ ফলং মে সুখমংব লব্ধং
           তথা চ মে দুঃখদশা গতা হি .. ৩৩..

প্রার্থনা

যে বা প্রভাতে পুরতস্তবার্যে
           পঠন্তি ভক্ত্যা ননু সুপ্রভাতম্ .
শৃণ্বন্তি যে বা ত্বযি বদ্ধচিত্তাঃ
           তেষাং প্রভাতং কুরু সুপ্রভাতম্ .. ৩৪..

 ইতি লক্ষ্মীকান্ত শর্মা বিরচিতং শ্রীকামাক্ষীসুপ্রভাতং সমাপ্তম্ ..