নরসিংহ স্তোত্র

 .. নরসিংহ স্তোত্র ( নারাযণ পণ্ডিত ) ..

           ..  শ্রী নরসিংহ স্তুতিঃ ..

উদযরবি সহস্রদ্যোতিতং রূক্ষবীক্ষং প্র঳য জলধিনাদং কল্পকৃদ্বহ্নি বক্ত্রম্ .
সুরপতিরিপু বক্ষশ্ছেদ রক্তোক্ষিতাঙ্গং প্রণতভযহরং তং নারসিংহং নমামি ..

প্র঳যরবি করা঳াকার রুক্চক্রবালং বির঳য দুরুরোচী রোচিতাশাংতরাল .
প্রতিভযতম কোপাত্ত্যুত্কটোচ্চাট্টহাসিন্ দহ দহ নরসিংহাসহ্যবীর্যাহিতংমে .. ১..

সরস রভসপাদা পাতভারাভিরাব প্রচকিতচল সপ্তদ্বন্দ্ব লোকস্তুতস্ত্ত্বম্ .
রিপুরুধির নিষেকেণৈব শোণাঙ্ঘ্রিশালিন্ দহ দহ নরসিংহাসহ্যবীর্যাহিতংমে .. ২..

তব ঘনঘনঘোষো ঘোরমাঘ্রায জঙ্ঘা পরিঘ মলঘু মূরু ব্যাজতেজো গিরিঞ্চ .
ঘনবিঘটতমাগাদ্দৈত্য জঙ্ঘালসঙ্ঘো দহ দহ নরসিংহাসহ্যবীর্যাহিতংমে .. ৩..

কটকি কটকরাজদ্ধাট্ট কাগ্র্যস্থলাভা প্রকট পট তটিত্তে সত্কটিস্থাতিপট্বী .
কটুক কটুক দুষ্টাটোপ দৃষ্টিপ্রমুষ্টৌ দহ দহ নরসিংহাসহ্যবীর্যাহিতংমে .. ৪..

প্রখর নখর বজ্রোত্খাত রোক্ষারিবক্ষঃ শিখরি শিখর রক্ত্যরাক্তসংদোহ দেহ .
সুবলিভ শুভ কুক্ষে ভদ্র গংভীরনাভে  দহ দহ নরসিংহাসহ্যবীর্যাহিতংমে .. ৫..

স্ফুরযতি তব সাক্ষাত্সৈব নক্ষত্রমালা ক্ষপিত দিতিজ বক্ষো ব্যাপ্তনক্ষত্রমাগর্ম্ .
অরিদরধর জান্বাসক্ত হস্তদ্বযাহো দহ দহ নরসিংহাসহ্যবীর্যাহিতংমে .. ৬..

কটুবিকট সটৌঘোদ্ঘট্টনাদ্ভ্রষ্টভূযো ঘনপটল বিশালাকাশ লব্ধাবকাশম্ .
করপরিঘ বিমদর্ প্রোদ্যমং ধ্যাযতস্তে দহ দহ নরসিংহাসহ্যবীর্যাহিতংমে .. ৭..

হঠলুঠ দল ঘিষ্টোত্কণ্ঠদষ্টোষ্ঠ বিদ্যুত্ সটশঠ কঠিনোরঃ পীঠভিত্সুষ্ঠুনিষ্ঠাম্ .
পঠতিনুতব কণ্ঠাধিষ্ঠ ঘোরাংত্রমালা দহ দহ নরসিংহাসহ্যবীর্যাহিতংমে .. ৮..

হৃত বহুমিহি রাভাসহ্যসংহাররংহো হুতবহ বহুহেতি হ্রেপিকানংত হেতি .
অহিত বিহিত মোহং সংবহন্ সৈংহমাস্যম্ দহ দহ নরসিংহাসহ্যবীর্যাহিতংমে .. ৯..

গুরুগুরুগিরিরাজত্কংদরাংতগর্তেব দিনমণি মণিশৃঙ্গে বংতবহ্নিপ্রদীপ্তে .
দধদতি কটুদংষ্প্রে ভীষণোজ্জিহ্ব বক্ত্রে দহ দহ নরসিংহাসহ্যবীর্যাহিতংমে .. ১০..

অধরিত বিবুধাব্ধি ধ্যানধৈযর্ং বিদীধ্য দ্বিবিধ বিবুধধী শ্রদ্ধাপিতেংদ্রারিনাশম্ .
বিদধদতি কটাহোদ্ঘট্টনেদ্ধাট্টহাসং দহ দহ নরসিংহাসহ্যবীর্যাহিতংমে .. ১১..

ত্রিভুবন তৃণমাত্র ত্রাণ তৃষ্ণংতু নেত্র ত্রযমতি লঘিতাচির্বির্ষ্ট পাবিষ্টপাদম্ .
নবতর রবি তাম্রং ধারযন্ রূক্ষবীক্ষং দহ দহ নরসিংহাসহ্যবীর্যাহিতংমে .. ১২..

ভ্রমদ ভিভব ভূভৃদ্ভূরিভূভারসদ্ভিদ্ ভিদনভিনব বিদভ্রূ বিভ্র মাদভ্র শুভ্র .
ঋভুভব ভয ভেত্তভার্সি ভো ভো বিভাভিদর্হ দহ নরসিংহাসহ্যবীর্যাহিতংমে .. ১৩..

শ্রবণ খচিত চঞ্চত্কুণ্ড লোচ্চণ্ডগণ্ড ভ্রুকুটি কটুললাট শ্রেষ্ঠনাসারুণোষ্ঠ .
বরদ সুরদ রাজত্কেসরোত্সারি তারে দহ দহ নরসিংহাসহ্যবীর্যাহিতংমে .. ১৪..

প্রবিকচ কচরাজদ্রত্ন কোটীরশালিন্ গলগত গলদুস্রোদার রত্নাঙ্গদাঢ্য .
কনক কটক কাঞ্চী শিঞ্জিনী মুদ্রিকাবন্ দহ দহ নরসিংহাসহ্যবীর্যাহিতংমে .. ১৫..

অরিদরমসি খেটৌ বাণচাপে গদাং সন্মুসলমপি দধানঃ পাশবযার্ংকুশৌ চ .
করযুগল ধৃতান্ত্রস্রগ্বিভিন্নারিবক্ষো দহ দহ নরসিংহাসহ্যবীর্যাহিতংমে .. ১৬..

চট চট চট দূরং মোহয ভ্রামযারিন্ কডি কডি কডি কাযং জ্বারয স্ফোটযস্ব .
জহি জহি জহি বেগং শাত্রবং সানুবংধং দহ দহ নরসিংহাসহ্যবীর্যাহিতংমে .. ১৭..

বিধিভব বিবুধেশ ভ্রামকাগ্নি স্ফুলিঙ্গ প্রসবি বিকট দংষ্প্রোজ্জিহ্ববক্ত্র ত্রিনেত্র .
কল কল কলকামং পাহিমাং তেসুভক্তং দহ দহ নরসিংহাসহ্যবীর্যাহিতংমে .. ১৮..

কুরু কুরু করুণাং তাং সাঙ্কুরাং দৈত্যপূতে দিশ দিশ বিশদাংমে শাশ্বতীং দেবদৃষ্টিম্ .
জয জয জয মুর্তেঽনার্ত জেতব্য পক্ষং দহ দহ নরসিংহাসহ্যবীর্যাহিতংমে .. ১৯..

স্তুতিরিহমহিতঘ্নী সেবিতানারসিংহী তনুরিবপরিশাংতা মালিনী সাঽভিতোঽলম্ .
তদখিল গুরুমাগ্র্য শ্রীধরূপালসদ্ভিঃ সুনিয মনয কৃত্যৈঃ সদ্গুণৈর্নিত্যযুক্তাঃ .. ২০..

লিকুচ তিলকসূনুঃ সদ্ধিতার্থানুসারী নরহরি নুতিমেতাং শত্রুসংহার হেতুম্ .
অকৃত সকল পাপধ্বংসিনীং যঃ পঠেত্তাং ব্রজতি নৃহরিলোকং কামলোভাদ্যসক্তঃ .. ২১..

          ইতি কবিকুলতিলক শ্রী ত্রিবিক্রমপণ্ডিতাচার্যসুত
          নারাযণপণ্ডিতাচার্য বিরচিতম্ শ্রী নরসিংহ স্তুতিঃ সংপূণর্ম্

          .. ভারতীরমণমুখ্যপ্রাণাংতগর্ত শ্রী কৃষ্ণাপর্ণমস্তু ..