গরূডধ্বজস্তোত্রম্

.. গরূডধ্বজস্তোত্রম্ ..

ধ্রুব উবাচ
যোঽন্তঃ প্রবিশ্য মম বাচমিমাং প্রসুপ্তাং
   সংজীযত্যখিলশক্তিধরঃ স্বধাম্না |
অন্যাংশ্চ হস্তচরণশ্রবণত্বগাদীন্-
   প্রাণান্নমো ভগবতে পুরূষায তুভ্যম্ || ১||
একস্ত্বমেব ভগবন্নিদমাত্মশক্ত্যা
   মাযাখ্যযোরূগুণযা মহদাদ্যশেষম্ |
সৃষ্ট্বাঽনুবিশ্য পুরুষস্তদসদ্গুণেষু
   নানেব দারূষু বিভাবসুবদ্বিভাসি || ২||
ত্বদ্দত্তযা বযুনযেদমচষ্ট বিশ্বং
   সুপ্তপ্রবুদ্ধ ইব নাথ ভবত্প্রপন্নঃ |
তস্যাপবর্গ্যশরণং তব পাদমূলং
   বিস্মর্যতে কৃতবিদা কথমার্তবন্ধো || ৩||
নূনং বিমুষ্টমতযস্তব মাযযা তে
   যে ত্বাং ভবাপ্যযবিমোক্ষণমন্যহেতোঃ |
অর্চন্তি কল্পকতরূং কুণপোপভোগ্য-
   মিচ্ছন্তি যত্স্পর্শজং নিরযেঽপি নৃইণাম্ || ৪||
যা নির্বৃতিস্তনুভূতাং তব পাদপদ্ম-
   ধ্যানাদ্ভবজ্জনকথাশ্রবণেন বা স্যাত্ |
সা ব্রহ্মণি স্বমহিমন্যপি নাথ মা ভূত্
   কিন্ত্বন্তকাসিলুলিতাত্ পততাং বিমানাত্ || ৫||
ভক্তিং মূহুঃ প্রবহতাং ত্বযি মে প্রসঙ্গো
   ভূযাদনন্ত মহতামমলাশযানাম্ |
যেনাঞ্জসোল্বণমুরূব্যসনং ভবাব্ধিং
   নেষ্যে ভবদ্গুণকথামৃতপানমত্তঃ || ৬||
তে ন স্মরন্ত্যতিতরাং প্রিযমীশমর্ত্যং
   যে চান্বদঃ সুতসুহৃদ্গৃহবিত্তদারাঃ |
যে ত্বব্জনাভ ভবদীযপদারবিন্দ-
   সৌগংধ্যলুব্ধহৃদযেষু কৃতপ্রসঙ্গাঃ || ৭||
তির্যঙ্মগদ্বিজসরীসৃপদেবদৈত্য-
   মর্ত্যাদিভিঃ পরিচিতং সদসদ্বিশেষম্ |
রূপম্ স্থবিষ্ঠমজ তে মহদাদ্যনেকং
   নাতঃপরং পরম বেদ্মি ন যত্র বাদঃ || ৮||
কল্পান্ত এতদখিলং জঠরেণ গৃহ্বন্
   শেতে পুমান্ স্বদৃগনন্তসখস্তদঙ্কে |
যন্নাভিসিন্ধুরূহকাঞ্চনলোকপদ্ম-
   গর্ভে দ্যুমান্ ভগবতে প্রণতোঽস্মি তস্মৈ || ৯||
ত্বং নিত্যমুক্তপরিশুদ্ধবিশুদ্ধ আত্মা
   কূটস্থ আদিপুরূষো ভগবাংস্ত্র্যধীশঃ |
যদ্বুদ্ধ্যবস্থিতিমখণ্ডিতযা স্বদৃষ্ট্যা
   দ্রষ্টা স্থিতাবধিমখো ব্যাতিরিক্ত আস্সে || ১০||
যস্মিন্ বিরূদ্ধগতযো হ্যনিশং পতন্তি
   বিদ্যাদযো বিবিধশক্তয আনুপূর্ব্যাত্ |
তদ্ভহ্ম বিশ্বভবমেকমনন্তমাদ্যম-
   অনন্দমাত্রমবিকারমহং প্রপদ্যে || ১১||
সত্যাশিষো হি ভগবংস্তব পাদপদ্ম-
   মাশীস্তথাঽনুভজতঃ পুরুষার্থমূর্তেঃ |
অপ্যেবমার্য ভগবান্ পরিপাতি দীনান্
   বাশ্রেব বত্সকমনুগ্রহকাতরোঽস্মান্ || ১২||
মৈত্রেয উবাচ
অথাভিষ্টুত এবং বৈ সত্সঙ্কল্পেন ধীমতা |
ভৃত্যানুরক্তো ভগবান্ প্রতিনন্দ্যেদমব্রবীত্ || ১৩||
শ্রীভগবানুবাচ
বেদাহং তে ব্যবসিতং হৃদি রাজন্যবালক |
তত্প্রযচ্ছামি ভদ্রং তে দুরাপমপি সুব্রত || ১৪||
নান্যৈরধিষ্ঠিতং ভদ্র যদ্ভ্রাজিষ্ণু ধ্রুবক্ষিতি |
যত্র গ্রহর্ক্ষতারাণাং জ্যোতিষাং চক্রমাহিতম্ || ১৫||
মেঢ্যাং গোচক্রবত্স্থাস্নু পরস্তাত্ কল্পবাসিনাম্ |
ধর্মোঽগ্নিঃ কশ্যপঃ শুক্রো মুনযো যে বনৌকসঃ ||
চরন্তি দক্ষিণোকৃত্য ভ্রমন্তো যত্সতারকাঃ || ১৬||
প্রস্থিতে তু বনং পিত্রা দত্ত্বা গাং ধর্মসংশ্রযঃ |
ষত্ত্রিংশদ্বর্ষসাহস্রং রক্ষিতাঽব্যাহতেন্দ্রিযঃ || ১৭||
ত্বদ্ভ্রাতর্যুত্তমে নষ্টে মৃগযাযাং তু তন্মনাঃ |
অন্বেষন্তী বনং মাতা দাবাগ্নিং সা প্রবেক্ষয্তি || ১৮||
ইষ্ট্বা মাং যজ্ঞহৃদযং যজ্ঞৈঃ পুষ্কলদক্ষিণৈঃ |
ভুক্ত্বা চেহাশিষঃ সত্যা অন্তে মাং সংস্মরিষ্যসি || ১৯||
ততো গংতাসি মত্স্থানং সর্বলোকনমস্কৃতম্ |
উপরিষ্ঠাদৃষিভ্যস্ত্বং যতো নাবর্ততে গতঃ || ২০||
মৈত্রেয উবাচ
ইত্যর্চিতঃ স ভগবানতিদিশ্যাত্মনঃ পদম্ |
বালস্য পশ্যতো ধাম স্বমগাদ্গরুডধ্বজঃ || ২১||
| ইতি শ্রীগরুডধ্বজস্তোত্রং সংপূর্ণম্ |