নারাযণ হৃদযম্

.. শ্রী নারাযণ হৃদযম্ ..

উদ্যাদাদিত্যসঙ্কাশং পীতবাসং চতুর্ভুজম্ |
শঙ্খচক্রগদাপাণিং ধ্যাযেল্লক্ষ্মীপতিং হরিম্ ||
ত্রৈলোক্যাধারচক্রং তদুপরি কমঠং তত্র চানন্তভোগী |
তন্মধ্যে ভূমি- পদ্মাঙ্কুশ- শিখরদ঳ কর্ণিকাভূত- মেরুম্ |
তত্রত্যং শান্তমূর্তিং মণিময- মকুটং কুণ্ডলাদ্ভাসিতাঙ্গং |
লক্ষ্মীনারাযণাখ্যং সরসিজ- নযনং সংততং চিন্তযামঃ ||
নারাযণঃ পরং জ্যোতিরাত্মা নারাযণঃ পরঃ |
নারাযণঃ পরং ব্রহ্ম নারাযণ নমোঽস্তু তে ||
নারাযণঃ পরো দেবো ধাতা নারাযণঃ পরঃ |
নারাযণঃ পরো ধাতা নারাযণ নমোঽস্তু তে ||
নারাযণঃ পরং ধাম ধ্যানং নারাযণঃ পরঃ |
নারাযণ পরো ধর্মো নারাযণ নমোঽস্তু তে ||
নারাযণঃ পরো দেবো বিদ্যা নারাযণঃ পরঃ |
বিশ্বং নারাযণঃ সাক্ষান্ নারাযণ নমোঽস্তু তে ||
নারাযণাদ্ বিধির্জাতো জাতো নারাযণাদ্ ভবঃ |
জাতো নারাযণাদিন্দ্রো নারাযণ নমোঽস্তু তে ||
রবির্নারাযণস্তেজঃ চন্দ্রো নারাযণো মহঃ |
বহ্নির্নারাযণঃ সাক্ষাত্ নারাযণ নমোঽস্তু তে ||
নারাযণ উপাস্যঃ স্যাদ্ গুরুর্নারাযণঃ পরঃ |
নারাযণঃ পরো বোধো নারাযণ নমোঽস্তু তে ||
নারাযণঃ ফলং মুখ্যং সিদ্ধির্নারাযণঃ সুখম্ |
হরির্নারাযণঃ শুদ্ধির্নারাযণ নমোঽস্তু তে ||
নিগমাবেদিতানন্ত- কল্যাণগুণ- বারিধে |
নারাযণ নমস্তেঽস্তু নরকার্ণব- তারক ||
জন্ম- মৃত্যু- জরা- ব্যাধি- পারতন্ত্র্যাদিভিঃ সদা |
দোষৈরস্পৃষ্টরূপায নারাযণ নমোঽস্তু তে ||
বেদশাস্ত্রার্থবিজ্ঞান- সাধ্যভক্ত্যেকগোচর |
নারাযণ নমস্তেঽস্তু মামুদ্ধর ভবার্ণবাত্ ||
নিত্যানন্দ মহোদার পরাত্পর জগত্পতে |
নারাযণ নমস্তেঽস্তু মোক্ষসাম্রাজ্য- দাযিনে ||
আব্রহ্মস্থম্ব- পর্যন্ত- মখিলাত্ম- মহশ্রয |
সর্বভূতাত্ম- ভূতাত্মন্ নারাযণ নমোঽস্তু তে ||
পালিতাশেষ- লোকায পুণ্যশ্রবণ- কীর্তন |
নারাযণ নমস্তেঽস্তু প্রলযোদকশাযিনে ||
নিরস্ত- সর্বদোষায ভক্ত্যাদিগুণদাযিনে |
নারাযণ নমস্তেঽস্তু ত্বাং বিনা নহি মে গতিঃ ||
ধর্মার্থ- কাম- মোক্ষাখ্য- পুরুষার্থ- প্রদাযিনে |
নারাযণ নমস্তেঽস্তু পুনস্তেঽস্তু নমো নমঃ ||
নারাযণ ত্বমেবাসি দহরাখ্যে হৃদি স্থিতঃ |
প্রেরিতা প্রের্যমাণানাং ত্বযা প্রেরিত মানসঃ ||
ত্বদজ্ঞাং শিরসা কৃত্বা ভজামি জন- পাবনম্ |
নানোপাসন- মার্গাণাং ভবকৃদ্ ভাববোধকঃ ||
ভাবার্থকৃদ্ ভবাতীতো ভব সৌখ্যপ্রদো মম |
ত্বন্মাযামোহিতং বিশ্বং ত্বযৈব পরিকল্পিতম্ ||
ত্বদধিষ্ঠান- মাত্রেণ সা বৈ সর্বার্থকারিণী |
ত্বমেব তাং পুরস্কৃত্য মম কামান্ সমর্থয ||
ন মে ত্বদন্যস্ত্রাতাস্তি ত্বদন্যন্ন দৈবতম্ |
ত্বদন্যং ন হি জানামি পালকং পুণ্যবর্ধনম্ ||
যাবত্সাংসারিকো ভাবো মনস্স্থো ভাবনাত্মকঃ |
তাবত্সিদ্ধির্ভবেত্ সাধ্যা সর্বদা সর্বদা বিভো ||
পাপিনামহমেকাগ্রো দযালূনাং ত্বমগ্রণীঃ |
দযনীযো মদন্যোঽস্তি তব কোঽত্র জগত্ত্রযে ||
ত্বযাহং নৈব সৃষ্টশ্চেত্ ন স্যাত্তব দযালুতা |
আমযো বা ন সৃষ্টশ্চে- দৌষধস্য বৃথোদযঃ ||
পাপসঙ্গ- পরিশ্রান্তঃ পাপাত্মা পাপরূপ- ধৃক্ |
ত্বদন্যঃ কোঽত্র পাপেভ্যঃ ত্রাতাস্তি জগতীতলে ||
ত্বমেব মাতা চ পিতা ত্বমেব ত্বমেব বন্ধুশ্চ সখা ত্বমেব |
ত্বমেব বিদ্যা দ্রবিণং ত্বমেব ত্বমেব সর্বং মম দেব দেব ||
প্রার্থনাদশকং চৈব মূলষ্টকমথঃপরম্ |
যঃ পঠেচ্ছৃণুযান্নিত্যং তস্য লক্ষ্মীঃ স্থিরা ভবেত্ ||
নারাযণস্য হৃদযং সর্বাভীষ্ট- ফলপ্রদম্ |
লক্ষ্মীহৃদযকং স্তোত্রং যদি চৈতদ্বিনাকৃতম্ ||
তত্সর্বং নিষ্ফলং প্রোক্তং লক্ষ্মীঃ ক্রুধ্যতি সর্বদা |
এতত্সঙ্কলিতং স্তোত্রং সর্বাভীষ্ট- ফলপ্রদম্ ||
জপেত্ সঙ্কলিতং কৃত্বা সর্বাভীষ্ট- মবাপ্নুযাত্ |
নারাযণস্য হৃদযং আদৌ জপ্ত্বা ততঃপরম্ ||
লক্ষ্মীহৃদযকং স্তোত্রং জপেন্নারাযণং পুনঃ |
পুনর্নারাযণং জপ্ত্বা পুনর্লক্ষ্মীনুতিং জপেত্ ||
তদ্বদ্ধোমাধিকং কুর্যাদেতত্সঙ্কলিতং শুভম্ |
এবং মধ্যে দ্বিবারেণ জপেত্ সঙ্কলিতং শুভম্ ||
লক্ষ্মীহৃদযকে স্তোত্রে সর্বমন্যত্ প্রকাশিতম্ |
সর্বান্ কামানবাপ্নোতি আধিব্যাধিভযং হরেত্ ||
গোপ্যমেতত্ সদা কুর্যাত্ ন সর্বত্র প্রকাশযেত্ |
ইতি গুহ্যতমং শাস্ত্রং প্রোক্তং ব্রহ্মাদিভিঃ পুরা ||
লক্ষ্মীহৃদযপ্রোক্তেন বিধিনা সাধযেত্ সুধী |
তস্মাত্ সর্বপ্রযত্নেন সাধযেদ্ গোপযেত্ সুধীঃ ||
যত্রৈতপুস্তকং তিষ্ঠেত্ লক্ষ্মীনারাযণাত্মকম্ |
ভূত পেশাচ বেতা঳ ভযং নৈব তু সর্বদা ||
ভৃগুবারে তথা রাত্রৌ পূজযেত্ পুস্তকদ্বযং |
সর্বদা সর্বদা স্তুত্যং গোপযেত্ সাধযেত্ সুধীঃ |
গোপনাত্ সাধনাল্লোকে ধন্যো ভবতি তত্ত্বতঃ ||
 || ইতি নারাযণ হৃদয স্তোত্রং সংপূর্ণম্ ||