গোবিন্দাষ্টকং

 .. গোবিন্দাষ্টকং ..

             .. শ্রীগোবিংদাষ্টকম্ ..

সত্যং জ্ঞানমনংতং নিত্যমনাকাশং পরমাকাশম্ .
গোষ্ঠপ্রাঙ্গণরিঙ্খণলোলমনাযাসং পরমাযাসম্ .
মাযাকল্পিতনানাকারমনাকারং ভুবনাকারম্ .
ক্ষ্মাযা নাথমনাথং প্রণমত গোবিংদং পরমানংদম্ .. ১..

মৃত্স্নামত্সীহেতি যশোদাতাডনশৈশব সংত্রাসম্ .
ব্যদিতবক্ত্রালোকিতলোকালোকচতুর্দশলোকালিম্ .
লোকত্রযপুরমূলস্তংভং লোকালোকমনালোকম্ .
লোকেশং পরমেশং প্রণমত গোবিংদং পরমানংদম্ .. ২..

ত্রৈবিষ্টপরিপুবীরঘ্নং ক্ষিতিভারঘ্নং ভবরোগঘ্নম্ .
কৈবল্যং নবনীতাহারমনাহারং ভুবনাহারম্ .
বৈমল্যস্ফুটচেতোবৃত্তিবিশেষাভাসমনাভাসম্ .
শৈবং কেবলশাংতং প্রণমত গোবিংদং পরমানংদম্ .. ৩..

গোপালং প্রভুলীলাবিগ্রহগোপালং কুলগোপালম্ .
গোপীখেলনগোবর্ধনধৃতিলীলালালিতগোপালম্ .
গোভির্নিগদিত গোবিংদস্ফুতনামানং বহুনামানম্ .
গোপীগোচরপথিকং প্রণমত গোবিংদং পরমানংদম্ .. ৪..

গোপীমংডলগোষ্ঠিভেদং ভেদাবস্থমভেদাভম্ .
শশ্বদ্গোখুরনির্ঘূতোদ্ধতধূলীধূসরসৌভাগ্যম্ .
শ্রদ্ধাভক্তিগৃহীতানংদমচিন্ত্যং চিংতিতসদ্ভাবম্ .
চিংতামণিমহিমানং প্রণমত গোবিংদং পরমানংদম্ .. ৫..

স্নানব্যাকুলযোশিদ্বস্ত্রমুপাদাযাগমুপারূঢম্ .
ব্যদিত্সংতিরথ দিগ্বস্ত্রা হ্যুপুদাতুমুপাকর্ষংতম্ .
নির্ধূতদ্বযশোকবিমোহং বুদ্ধং বুদ্ধেরংতস্থম্ .
সত্তামাত্রশরীরং প্রণমত গোবিংদং পরমানংদম্ .. ৬..

কাংতং কারণকারণমাদিমনাদিং কালমনাভাসম্ .
কালিংদীগতকালিযশিরসি মুহুর্নৃত্যংতং নৃত্যংতম্ .
কালং কালকলাতীতং কলিতাশেষং কলিদোষঘ্নম্ .
কালত্রযগতিহেতুং প্রণমত গোবিংদং পরমানংদম্ .. ৭..

বৃংদাবনভুবি বৃংদারকগণবৃন্দারাধ্যং বংদেঽহম্ .
কুংদাভামলমংদস্মেরসুধানংদং সুহৃদানংদম্ .
বংদ্যাশেষমহামুনিমানসবংদ্যানংদপদদ্বংদ্বম্ .
বংদ্যাশেষগুণাব্ধিং প্রণমত গোবিংদং পরমানংদম্ .. ৮..

গোবিংদাষ্টকমেতদধীতে গোবিংদার্পিতচেতা যো .
গোবিংদাচ্যুত মাধব বিষ্ণো গোকুলনাযক কৃষ্ণেতি .
গোবিংদাঙ্ঘ্রিসরোজধ্যানসুধাজলধৌতসমস্তাঘো .
গোবিংদং পরমানংদামৃতমংতঃস্থং স তমভ্যেতি ..

.. ইতি শ্রীমচ্ছঙ্করাচার্যবিরচিতং শ্রীগোবিংদাষ্টকং সংপূর্ণম্ ..