চন্দ্রশেখরাষ্টকং

 .. চন্দ্রশেখরাষ্টকং ..

           … অথ চন্দ্রশেখরাষ্টকম্ ..

চন্দ্রশেখর চন্দ্রশেখর       চন্দ্রশেখর পাহিমাম্ .
চন্দ্রশেখর চন্দ্রশেখর       চন্দ্রশেখর রক্ষমাম্ .. ১..

রত্নসানুশরাসনং রজতাদিশৃঙ্গনিকেতনং
    সিঞ্জিনীকৃতপন্নগেশ্বরমচ্যুতাননসাযকম্ .
ক্ষিপ্রদঘপুরত্রযং ত্রিদিবালযৈভিবন্দিতং
    চন্দ্রশেখরমাশ্রযে মম কিং করিষ্যতি  বৈ যমঃ .. ২..

পঞ্চপাদপপুষ্পগন্ধপদাম্বুজদূযশোভিতং
    ভাললোচনজাতপাবকদগ্ধমন্মথবিগ্রহ.ম্ .
ভস্মদিগ্ধকলেবরং ভবনাশনং ভবমব্যযং
    চন্দ্রশেখর চন্দ্রশেখর চন্দ্রশেখর রক্ষমাম্ .. ৩..

মত্ত্বারণমুখ্যচর্মকৃতোত্তরীমনোহরং
    পঙ্কজাসনপদ্মলোচনপুজিতাঙ্ঘ্রিসরোরুহম্ .
দেবসিন্ধুতরঙ্গসীকর সিক্তশুভ্রজটাধরং
    চন্দ্রশেখর চন্দ্রশেখর চন্দ্রশেখর রক্ষমাম্ .. ৪..

যক্ষরাজসখং ভগাক্ষহরং ভুজঙ্গবিভূষণং
    শৈলরাজসুতা পরিষ্কৃত চারুবামকলেবরম্ .
ক্ষ্বেডনীলগলং পরশ্বধধারিণং মৃগধারিণং
    চন্দ্রশেখর চন্দ্রশেখর চন্দ্রশেখর রক্ষমাম্ .. ৫..

কুণ্ডলীকৃতকুণ্ডলেশ্বরকুণ্ডলং বৃষবাহনং
    নারদাদিমুনীশ্বরস্তুতবৈভবং ভুবনেশ্বরম্ .
অন্ধকান্ধকামা শ্রিতা মরপাদপং শমনান্তকং
    চন্দ্রশেখর চন্দ্রশেখর চন্দ্রশেখর রক্ষমাম্ .. ৬..

ভষজং ভবরোগিণামখিলাপদামপহারিণং
    দক্ষযজ্ঞর্বিনাশনং ত্রিগুণাত্মকং ত্রিবিলোচনম্ .
ভুক্তিমুক্তফলপ্রদং সকলাঘসঙ্ঘনিবর্হনং
    চন্দ্রশেখর চন্দ্রশেখর চন্দ্রশেখর রক্ষমাম্ .. ৭..

ভক্ত বত্সলমচিঞ্তং নিধিমক্ষযং হরিদম্বরং
    সর্বভূতপতিং পরাত্পর প্রমেযমনুত্তমম্ .
সোমবারিজ ভূহুতাশনসোমপানিলখাকৃতিং
    চন্দ্রশেখর চন্দ্রশেখর চন্দ্রশেখর রক্ষমাম্ .. ৮..

বিশ্বসৃষ্টিবিধালিনং পুনরেব পালনতত্পরং
    সংহরন্তমপি প্রপঞ্চম শেষলোকনিবাসিনম্ .
ক্রিডযন্তমহর্নিশং গণনাথযূথ সমন্বিতং
    চন্দ্রশেখর চন্দ্রশেকর চন্দ্রশেকর রক্ষমাম্ .. ৯..

মৃত্যুভীতমৃকণ্ডসূনুকৃতস্তব শিব সন্নিধৌ
    যত্র কুত্র চ পঠেন্নহি তস্য মৃত্যুভযং ভবেত্ .
পূর্ণমাযুররোগিতামখিলাথ সম্পদমাদরং
    চন্দ্রশেখর এব তস্য দদাতি মুক্তিমযত্নতঃ .. ১০..

               … ইতি চন্দ্রশেখরাষ্টকম্ ..