বিশ্বনাথ সুপ্রভাতং

.. শ্রী বিশ্বনাথ সুপ্রভাতং..

উত্তিষ্ট ভৈরবস্বামিন্ কাশিকাপুরপালক |
শ্রীবিশ্বনাথভক্তানাং সংপূরয মনোরথম্ || ১||

স্নানায গাঙ্গসলিলেঽথ সমর্চনায বিশ্বেশ্বরস্য বহুভক্তজনা উপেতাঃ |
শ্রীকালভৈরব লসন্তি ভবন্নিদেশং উত্তিষ্ট দর্শয দশাং তব সুপ্রভাতম্ || ২||

যাগব্রতাদিবহুপুণ্যবশং যথা ত্বং পাপাত্মনামপি তথা সুগতিপ্রদাঽসি |
কারুণ্যপূরমযি শৈলসুতাসপত্নি মাতর্ভগীরথসুতে তব সুপ্রভাতম্ || ৩||

দুগ্ধপ্রবাহকমনীযতরঙ্গভঙ্গে পুণ্যপ্রবাহপরিপাথিতভক্তসঙ্গে |
নিত্যং তপস্বিজনসেবিতপাদপদ্মে গঙ্গে শরণ্যশিবদে তব সুপ্রভাতম্ || ৪||

বারাণসীস্থিতগজানন দুণ্ঠিরাজ সংপ্রার্থিতেঽষ্টফলদানসমর্থমূর্তে |
উত্তিষ্ট বিঘ্নবিরহায ভজামহে ত্বাং শ্রীপার্বতীতনয ভোস্তব সুপ্রভাতম্ || ৫||

পূজাস্পদ প্রথমমেব সুরেশু মধ্যে সংপূরণে কুশল ভক্তমনোরথানাম্ |
গীর্বাণবৃন্দপরিপূজিতপাদপদ্ম সংজাযতাং গণপতে তব সুপ্রভাতম্ || ৬||

কাত্যাযনী প্রমথনাথশরীরভাগে ভক্তালিগীতমুখরীকৃতপাদপদ্মে |
ব্রহ্মাদিদেবগণবন্দিতদিব্যশৌর্যে শ্রীবিশ্বনাথদযিতে তব সুপ্রভাতম্ || ৭||

প্রাতঃ প্রসীদ বিমলে কমলাযতাক্ষি কারুণ্যপূর্ণহৃদযে নমতাং শরণ্যে |
নির্ধূতপাপনিচযে সুরপূজিতাংঘ্রে শ্রীবিশ্বনাথদযিতে তব সুপ্রভাতম্ || ৮||

সস্যানুকূলজলবর্ষণকার্যহেতোঃ শাকম্ভরীতি তব নাম ভুবি প্রসিদ্দম্ |
সস্যাতিজাতমিহ শুষ্যতি চান্নপূর্ণে উত্তিষ্ট সর্বফলদে তব সুপ্রভাতম্ || ৯||

সর্বোত্তমং মানবজন্ম লব্ধ্বা হিনস্তি জীবান্ ভুবি মর্ত্যবর্গঃ |
তদ্দারণাযাশু জহীহি নিদ্রাং দেব্যন্নপূর্ণে তব সুপ্রভাতম্ || ১০||

শ্রীকণ্ঠ কণ্ঠধৃতপন্নগ নীলকণ্ঠ সোত্কণ্ঠভক্তনিবহোপহিতোপকণ্ঠ |
উত্তিষ্ট সর্বজনমঙ্গলসাধনায বিশ্বপ্রজাপ্রথিতভদ্র জহীহি নিদ্রাম্ || ১১||

গঙ্গাধরাদ্রিতনযাপ্রিয শান্তমূর্তে বেদান্তবেদ্য সকলেশ্বর বিশ্বমূর্তে |
কূটস্থনিত্য নিখিলাগমগীতকীর্তে দেবাসুরার্চিত বিভো তব সুপ্রভাতম্ || ১২||

শ্রীবিশ্বনাথকরুণামৃতপূর্ণসিন্ধো শীতাংশুখণ্ডসমলংকৃতভব্যচূড |
ভস্মাঙ্গরাগপরিশোভিতসর্বদেহ বারাণসীপুরপতে তব সুপ্রভাতম্ || ১৩||

দেবাদিদেব ত্রিপুরান্তক দিব্যভাব গঙ্গাধর প্রমথবন্দিত সুন্দরাঙ্গ |
নাগেন্দ্রহার নতভক্তভযাপহার বারাণসীপুরপতে তব সুপ্রভাতম্ || ১৪||

বেদান্তশাস্ত্রবিশদীকৃতদিব্যমূর্তে প্রত্যূষকালমুনিপুঙ্গবগীতকীর্তে |
ত্বয্যর্পিতার্জিতসমস্তসুরক্ষণস্য বারাণসীপুরপতে তব সুপ্রভাতম্ || ১৫||

কৈলাসবাসমুনিসেবিতপাদপদ্ম গঙ্গাজলৌঘপরিষিক্তজটাকলাপ |
বাচামগোচরবিভো জটিলত্রিনেত্র বারাণসীপুরপতে তব সুপ্রভাতম্ || ১৬||

শ্রীপার্বতীহৃদযবল্লভ পঞ্চবক্ত্র শ্রীনীলকণ্ঠ নৃকপালকলাপমাল |
শ্রীবিশ্বনাথমৃদুপংকজমংজুপাদ শ্রীকাশিকাপুরপতে তব সুপ্রভাতম্ || ১৭||

কাশী ত্রিতাপহরণী শিবসদ্মভূতা শর্মেশ্বরী ত্রিজগতাং সুপুরীষু হৃদ্যা |
বিদ্যাকলাসু নবকৌশলদানশীলা শ্রীকাশিকাপুরপতে তব সুপ্রভাতম্ || ১৮||

শ্রীবিশ্বনাথ তব পাদযুগং স্মরামি গঙ্গামঘাপহরণীং শিরশা নমামি |
বাচং তবৈব যশসাঽনঘ ভূষযামি  বারাণসীপুরপতে তব সুপ্রভাতম্ || ১৯||

নারীনতেশ্বরযুতং নিজচারুরূপং স্ত্রীগৌরবং জগতি বর্ধযিতুং তনোষি |
গঙ্গাং হি ধারযসি মূর্ধ্নি তথৈব দেব বারাণসীপুরপতে তব সুপ্রভাতম্ || ২০||

ত্বমেব মাতা চ পিতা ত্বমেব ত্বমেব বন্ধুশ্চ সখা ত্বমেব |
ত্বমেব বিদ্যা দ্রবিণং ত্বমেব ত্বমেব সর্বং মম দেবদেব ||

৐ মঙ্গলং ভগবান্ শম্ভো মঙ্গলম্ বৄষভধ্বজ |
মঙ্গলং পার্বতীনাথ মঙ্গলং ভক্তবত্সল ||

| এতত্ শ্লোকদ্বযং প্রাচীনকবিকৃতম্ |