|| বৈষ্ণবগীতা ||
অম্বরীষ উবাচ —
কেনোপায়েন দেবর্ষে ভববন্ধাদ্বিমুচ্যতে |
তদ্বদস্ব মহাভাগ যদ্যস্তি ময়্যনুগ্রহঃ|| ১||
নারদ উবাচ —
সাধু পৃষ্টং মহাভাগ সর্বধর্মভৃতাং বর |
বক্ষ্যামি তব রাজেন্দ্র শৃণুষ্বাবহিতো মম || ২||
কৈবল্যদায়িনী গীতা শ্রীবৈষ্ণবগীতাভিধা |
শৃণুষ্ব পরয়া ভক্ত্যা ভববন্ধবিমুক্তয়ে || ৩||
বৈষ্ণবানাং গতির্যত্র পাদস্পর্শশ্চ যত্র বৈ |
তত্র সর্বাণি তীর্থানি তিষ্ঠন্তি নৃপসত্তম || ৪||
আলাপং গাত্রসংস্পর্শং পাদাভিবন্দনং তথা |
বাঞ্ছন্তি সর্বতীর্থানি বৈষ্ণবানাং সদৈব হি || ৫||
বিষ্ণুমন্ত্রোপাসকানাং শুদ্ধং পাদোদকং শুভম্ |
পুনাতি সর্বতীর্থানি বসুধামপি ভূপতে || ৬||
নিপীডিতোঽহং শ্রান্তোঽহম্ দাঘসংসারবর্ত্মনি |
যেন ভূয়ো ন গচ্ছামি তৎ কুরুষ্ব শ্রীবৈষ্ণব || ৭||
দীনং চ ভক্তিহীনং চ আধিব্যাধিনিপীডিতম্ |
অনাশ্রয়মনাথং চ ত্রাহি মাং কৃপয়া প্রভো || ৮||
গতির্নাস্তি গতির্নাস্তি সত্যং শ্রীবৈষ্ণবং বিনা |
তৎপাদরজসা পূতং ত্রৈলোক্যং সচরাচরম্ || ৯||
কথিতং তব রাজেন্দ্র রহস্যং পরমাদ্ভুতম্ |
অভক্তায় ন দাতব্যং দত্তে তু নারকা ভবেৎ || ১০||
ইতি শ্রীবৈষ্ণবগীতা সমাপ্তা ||
নোট নিতে এবং টেক্সট হাইলাইট করতে লগইন করুন
লগইন