রাধাযাঃ পরীহারস্তোত্রম্

.. শ্রী রাধাযাঃ পরীহারস্তোত্রম্ ..

ত্বং দেবী জগতাং মাতা বিষ্ণুমাযা সনাতনী .
কৃষ্ণপ্রাণাধিদেবি চ কৃষ্ণপ্রাণাধিকা শুভা .. ১..
কৃষ্ণপ্রেমমযী শক্তিঃ কৃষ্ণসৌভাগ্যরূপিণী .
কৃষ্ণভক্তিপ্রদে রাধে নমস্তে মঙ্গলপ্রদে .. ২..
অদ্য মে সফলং জন্ম জীবনং সার্থকং মম .
পূজিতাসি মযা সা চ যা শ্রীকৃষ্ণেন্ পূজিতা .. ৩..
কৃষ্ণবক্ষসি যা রাধা সর্বসৌভাগ্যসংযুতা .
রাসে রাসেশ্বরীরূপা বৃন্দা বৃন্দাবনে বনে .. ৪..
কৃষ্ণপ্রিযা চ গোলোকে তুলসী কাননে তুযা .
চম্পাবতী কৃষ্ণসংগে ক্রীডা চম্পককাননে .. ৫..
চন্দ্রাক্লী চন্দ্রবনে শতশ্রিঙ্গে সতীতি চ .
বিরজাদর্পহন্ত্রি চ বিরজাতটকাননে .. ৬..
পদ্মাবতী পদ্মবনে কৃষ্ণা কৃষ্ণসরোবরে .
ভদ্রা কুঞ্জকুটীরে চ কাম্যা চ কাম্যকে বনে .. ৭..
বৈকুণ্ঠে চ মহালক্ষ্মীর্বাণী নারাযণোরসি .
ক্ষীরোদে সিন্ধুকন্যা চ মর্ত্যে লক্ষ্মীর্হরিপ্রিযা .. ৮..
সর্বস্বর্গে স্বর্গলক্ষ্মীর্দেবদুঃখবিনাশিনী .
সনাতনী বিষ্ণুমাযা দুর্গা শংকরবক্ষসি .. ৯..
সাবিত্রী বে! দমাতা চ কলযা ব্রহ্মবক্ষসি .
কলযা ধর্মপত্নী ত্বং নরনারাযণপ্রসূঃ .. ১০..
কলযা তুলসী ত্বং চ গঙ্গা ভুবনপাবনী .
লোমকূপোদ্ভবা গোপ্যঃ কলাংশা হরিপ্রিযা .. ১১ ..
কলাকলাংশরূপা চ শতরূপা শচি দিতিঃ.
অদিতির্দেব্মাতা চ ত্বত্কলাংশা হরিপ্রিযা .. ১২..
দেব্যশ্চ মুনিপত্ন্যশ্চ্জ ত্বত্কলাকলযা শুভে .
কৃষ্ণভক্তিং কৃষ্ণদাস্যং দেহি মে কৃষ্ণপূজিতে.. ১৩..
এবং কৃত্বা পরীহারং স্তুত্বা চ কবচং পঠেত্ .
পুরা কৃতং স্তোত্রমেতদ্ ভক্তিদাস্যপ্রদং শুভম্ .. ১৪..
.. ইতি শ্রী ব্রহ্মবৈবর্তে শ্রীরাধাযাঃ
পরীহারস্তোত্রং সম্পূর্ণম্ ..