সুব্রহ্মণ্য সহস্রনাম স্তোত্রম্

.. শ্রী সুব্রহ্মণ্য সহস্রনাম স্তোত্রম্ ..
.. শ্রী সুব্রহ্মণ্য সহস্রনাম স্তোত্রম্ ..

ঋষয ঊচুঃ –
সর্বশাস্ত্রার্থতত্ত্বজ্ঞ সর্বলোকোপকারক .
বযং চাতিথযঃ প্রাপ্তা আতিথেযোঽসি সুব্রত .. ১..
জ্ঞানদানেন সংসারসাগরাত্তারযস্ব নঃ .
কলৌ কলুষচিত্তা যে নরাঃ পাপরতাঃ সদা .. ২..
কেন স্তোত্রেণ মুচ্যন্তে সর্বপাতকবন্ধনৈঃ .
ইষ্টসিদ্ধিকরং পুণ্যং দুঃখদারিদ্র্যনাশনম্ .. ৩..
সর্বরোগহরং স্তোত্রং সূত নো বক্তুমর্হসি .
শ্রীসূত উবাচ –
শৃণুধ্বমৃষযঃ সর্বে নৈমিষারণ্যবাসিনঃ .. ৪..
তত্ত্বজ্ঞানতপোনিষ্ঠাঃ সর্বশাস্ত্রবিশারদাঃ .
স্বযংভুবা পুরা প্রোক্তং নারদায মহাত্মনে .. ৫..
তদহং সংপ্রবক্ষ্যামি শ্রোতুং কৌতূহলং যদি .
ঋষয ঊচুঃ –
কিমাহ ভগবান্ব্রহ্মা নারদায মহাত্মনে .. ৬..
সূতপুত্র মহাভাগ বক্তুমর্হসি সাংপ্রতম্ .
শ্রীসূত উবাচ –
দিব্যসিংহাসনাসীনং সর্বদেবৈরভিষ্টুতম্ .. ৭..
সাষ্টাঙ্গপ্রণিপত্যৈনং ব্রহ্মাণং ভুবনেশ্বরম্ .
নারদঃ পরিপপ্রচ্ছ কৃতাঞ্জলিরুপস্থিতঃ .. ৮..
নারদ উবাচ –
লোকনাথ সুরশ্রেষ্ঠ সর্বজ্ঞকরুণাকর .
ষণ্মুখস্য পরং স্তোত্রং পাবনং পাপনাশনম্ .. ৯..
ধাতস্ত্বং পুত্রবাত্সল্যাত্তদ্বদ প্রণতায মে .
উপদিশ্য তু মাং দেব রক্ষ রক্ষ কৃপানিধে .. ১০..
ব্রহ্মা উবাচ –
শৃণু বক্ষ্যামি দেবর্ষে স্তবরাজমিমং পরম্ .
মাতৃকামালিকাযুক্তং জ্ঞানমোক্ষসুখপ্রদম্ .. ১১..
সহস্রাণি চ নামানি ষণ্মুখস্য মহাত্মনঃ .
যানি নামানি দিব্যানি দুঃখরোগহরাণি চ .. ১২..
তানি নামানি বক্ষ্যামি কৃপযা ত্বযি নারদ .
জপমাত্রেণ সিধ্যন্তি মনসা চিন্তিতান্যপি .. ১৩..
ইহামুত্রং পরং ভোগং লভতে নাত্র সংশযঃ .
ইদং স্তোত্রং পরং পুণ্যং কোটিযজ্ঞফলপ্রদম্ .
সন্দেহো নাত্র কর্তব্যঃ শৃণু মে নিশ্চিতং বচঃ .. ১৪..
৐ অস্য শ্রীসুব্রহ্মণ্যসহস্রনামস্তোত্রমহামন্ত্রস্য .
ব্রহ্মা ঋষিঃ . অনুষ্টুপ্ছন্দঃ . সুব্রহ্মণ্যো দেবতা .
শরজন্মাক্ষয ইতি বীজম্ . শক্তিধরোঽক্ষয ইতি শক্তিঃ .
কার্তিকেয ইতি কীলকম্ . ক্রৌচংভেদীত্যর্গলম্ .
শিখিবাহন ইতি কবচম্ . ষণ্মুখ ইতি ধ্যানম্ .
শ্রীসুব্রহ্মণ্যপ্রসাদসিদ্ধ্যর্থে জপে বিনিযোগঃ .
ধ্যানম্ –
ধ্যাযেত্ষণ্মুখমিন্দুকোটিসদৃশং রত্নপ্রভাশোভিতম্ .
বালার্কদ্যুতিষট্কিরীটবিলসত্কেযূরহারান্বিতম্ .. ১..
কর্ণালম্বিতকুণ্ডলপ্রবিলসদ্গণ্ডস্থলাশোভিতম্ .
কাঞ্চীকঙ্কণকিংকিণীরবযুতং শৃঙ্গারসারোদযম্ .. ২..
ধ্যাযেদীপ্সিতসিদ্ধিদং শিবসুতং শ্রীদ্বাদশাক্ষং গুহম্ .
খেটং কুক্কুটমংকুশং চ বরদং পাশং ধনুশ্চক্রকম্ ..
৩..
বজ্রং শক্তিমসিং চ শূলমভযং দোর্ভির্ধৃতং ষণ্মুখম্ .
দেবং চিত্রমযূরবাহনগতং চিত্রাম্বরালংকৃতম্ .. ৪..
.. সুব্রহ্মণ্য সহস্রনাম স্তোত্রম্ ..
অচিন্ত্যশক্তিরনঘস্ত্বক্ষোভ্যস্ত্বপরাজিতঃ .
অনাথবত্সলোঽমোঘস্ত্বশোকোঽপ্যজরোঽভযঃ .. ১..
অত্যুদারো হ্যঘহরস্ত্বগ্রগণ্যোঽদ্রিজাসুতঃ .
অনন্তমহিমাঽপারোঽনন্তসৌখ্যপ্রদোঽব্যযঃ .. ২..
অনন্তমোক্ষদোঽনাদিরপ্রমেযোঽক্ষরোঽচ্যুতঃ .
অকল্মষোঽভিরামোঽগ্রধুর্যশ্চামিতবিক্রমঃ .. ৩..
অনাথনাথো হ্যমলো হ্যপ্রমত্তোঽমরপ্রভুঃ .
অরিন্দমোঽখিলাধারস্ত্বণিমাদিগুণোঽগ্রণীঃ .. ৪..
অচঞ্চলোঽমরস্তুত্যো হ্যকলঙ্কোঽমিতাশনঃ .
অগ্নিভূরনবদ্যাঙ্গো হ্যদ্ভুতোঽভীষ্টদাযকঃ .. ৫..
অতীন্দ্রিযোঽপ্রমেযাত্মা হ্যদৃশ্যোঽব্যক্তলক্ষণঃ .
আপদ্বিনাশকস্ত্বার্য আঢ্য আগমসংস্তুতঃ .. ৬..
আর্তসংরক্ষণস্ত্বাদ্য আনন্দস্ত্বার্যসেবিতঃ .
আশ্রিতেষ্টার্থবরদ আনন্দ্যার্তফলপ্রদঃ .. ৭..
আশ্চর্যরূপ আনন্দ আপন্নার্তিবিনাশনঃ .
ইভবক্ত্রানুজস্ত্বিষ্ট ইভাসুরহরাত্মজঃ .. ৮..
ইতিহাসশ্রুতিস্তুত্য ইন্দ্রভোগফলপ্রদঃ .
ইষ্টাপূর্তফলপ্রাপ্তিরিষ্টেষ্টবরদাযকঃ .. ৯..
ইহামুত্রেষ্টফলদ ইষ্টদস্ত্বিন্দ্রবন্দিতঃ .
ঈডনীযস্ত্বীশপুত্র ঈপ্সিতার্থপ্রদাযকঃ .. ১০..
ঈতিভীতিহরশ্চেড্য ঈষণাত্রযবর্জিতঃ .
উদারকীর্তিরুদ্যোগী চোত্কৃষ্টোরুপরাক্রমঃ .. ১১..
উত্কৃষ্টশক্তিরুত্সাহ উদারশ্চোত্সবপ্রিযঃ .
উজ্জৃম্ভ উদ্ভবশ্চোগ্র উদগ্রশ্চোগ্রলোচনঃ .. ১২..
উন্মত্ত উগ্রশমন উদ্বেগঘ্নোরগেশ্বরঃ .
উরুপ্রভাবশ্চোদীর্ণ উমাপুত্র উদারধীঃ .. ১৩..
ঊর্ধ্বরেতঃসুতস্তূর্ধ্বগতিদস্তূর্জপালকঃ .
ঊর্জিতস্তূর্ধ্বগস্তূর্ধ্ব ঊর্ধ্বলোকৈকনাযকঃ .. ১৪..
ঊর্জিবানূর্জিতোদার ঊর্জিতোর্জিতশাসনঃ .
ঋষিদেবগণস্তুত্য ঋণত্রযবিমোচনঃ .. ১৫..
ঋজুরূপো হ্যৃজুকর ঋজুমার্গপ্রদর্শনঃ .
ঋতংভরো হ্যৃজুপ্রীত ঋষভস্ত্বৃদ্ধিদস্ত্বৃতঃ .. ১৬..
লুলিতোদ্ধারকো লূতভবপাশপ্রভঞ্জনঃ .
এণাঙ্কধরসত্পুত্র এক এনোবিনাশনঃ .. ১৭..
ঐশ্বর্যদশ্চৈন্দ্রভোগী চৈতিহ্যশ্চৈন্দ্রবন্দিতঃ .
ওজস্বী চৌষধিস্থানমোজোদশ্চৌদনপ্রদঃ .. ১৮..
ঔদার্যশীল ঔমেয ঔগ্র ঔন্নত্যদাযকঃ .
ঔদার্য ঔষধকর ঔষধং চৌষধাকরঃ .. ১৯..
অংশুমাল্যংশুমালীড্য অম্বিকাতনযোঽন্নদঃ .
অন্ধকারিসুতোঽন্ধত্বহারী চাম্বুজলোচনঃ .. ২০..
অস্তমাযোঽমরাধীশো হ্যস্পষ্টোঽস্তোকপুণ্যদঃ .
অস্তামিত্রোঽস্তরূপশ্চাস্খলত্সুগতিদাযকঃ .. ২১..
কার্তিকেযঃ কামরূপঃ কুমারঃ ক্রৌঞ্চদারণঃ .
কামদঃ কারণং কাম্যঃ কমনীযঃ কৃপাকরঃ .. ২২..
কাঞ্চনাভঃ কান্তিযুক্তঃ কামী কামপ্রদঃ কবিঃ .
কীর্তিকৃত্কুক্কুটধরঃ কূটস্থঃ কুবলেক্ষণঃ .. ২৩..
কুঙ্কুমাঙ্গঃ ক্লমহরঃ কুশলঃ কুক্কুটধ্বজঃ .
কুশানুসংভবঃ ক্রূরঃ ক্রূরঘ্নঃ কলিতাপহৃত্ .. ২৪..
কামরূপঃ কল্পতরুঃ কান্তঃ কামিতদাযকঃ .
কল্যাণকৃত্ক্লেশনাশঃ কৃপালুঃ করুণাকরঃ .. ২৫..
কলুষঘ্নঃ ক্রিযাশক্তিঃ কঠোরঃ কবচী কৃতী .
কোমলাঙ্গঃ কুশপ্রীতঃ কুত্সিতঘ্নঃ কলাধরঃ .. ২৬..
খ্যাতঃ খেটধরঃ খড্গী খট্বাঙ্গী খলনিগ্রহঃ .
খ্যাতিপ্রদঃ খেচরেশঃ খ্যাতেহঃ খেচরস্তুতঃ .. ২৭..
খরতাপহরঃ স্বস্থঃ খেচরঃ খেচরাশ্রযঃ .
খণ্ডেন্দুমৌলিতনযঃ খেলঃ খেচরপালকঃ .. ২৮..
খস্থলঃ খণ্ডিতার্কশ্চ খেচরীজনপূজিতঃ .
গাঙ্গেযো গিরিজাপুত্রো গণনাথানুজো গুহঃ .. ২৯..
গোপ্তা গীর্বাণসংসেব্যো গুণাতীতো গুহাশ্রযঃ .
গতিপ্রদো গুণনিধিঃ গম্ভীরো গিরিজাত্মজঃ .. ৩০..
গূঢরূপো গদহরো গুণাধীশো গুণাগ্রণীঃ .
গোধরো গহনো গুপ্তো গর্বঘ্নো গুণবর্ধনঃ .. ৩১..
গুহ্যো গুণজ্ঞো গীতিজ্ঞো গতাতঙ্কো গুণাশ্রযঃ .
গদ্যপদ্যপ্রিযো গুণ্যো গোস্তুতো গগনেচরঃ .. ৩২..
গণনীযচরিত্রশ্চ গতক্লেশো গুণার্ণবঃ .
ঘূর্ণিতাক্ষো ঘৃণিনিধিঃ ঘনগম্ভীরঘোষণঃ .. ৩৩..
ঘণ্টানাদপ্রিযো ঘোষো ঘোরাঘৌঘবিনাশনঃ .
ঘনানন্দো ঘর্মহন্তা ঘৃণাবান্ ঘৃষ্টিপাতকঃ .. ৩৪..
ঘৃণী ঘৃণাকরো ঘোরো ঘোরদৈত্যপ্রহারকঃ .
ঘটিতৈশ্বর্যসংদোহো ঘনার্থো ঘনসংক্রমঃ .. ৩৫..
চিত্রকৃচ্চিত্রবর্ণশ্চ চঞ্চলশ্চপলদ্যুতিঃ .
চিন্মযশ্চিত্স্বরূপশ্চ চিরানন্দশ্চিরংতনঃ .. ৩৬..
চিত্রকেলিশ্চিত্রতরশ্চিন্তনীযশ্চমত্কৃতিঃ .
চোরঘ্নশ্চতুরশ্চারুশ্চামীকরবিভূষণঃ .. ৩৭..
চন্দ্রার্ককোটিসদৃশশ্চন্দ্রমৌলিতনূভবঃ .
ছাদিতাঙ্গশ্ছদ্মহন্তা ছেদিতাখিলপাতকঃ .. ৩৮..
ছেদীকৃততমঃক্লেশশ্ছত্রীকৃতমহাযশাঃ .
ছাদিতাশেষসংতাপশ্ছরিতামৃতসাগরঃ .. ৩৯..
ছন্নত্রৈগুণ্যরূপশ্চ ছাতেহশ্ছিন্নসংশযঃ .
ছন্দোমযশ্ছন্দগামী ছিন্নপাশশ্ছবিশ্ছদঃ .. ৪০..
জগদ্ধিতো জগত্পূজ্যো জগজ্জ্যেষ্ঠো জগন্মযঃ .
জনকো জাহ্নবীসূনুর্জিতামিত্রো জগদ্গুরুঃ .. ৪১..
জযী জিতেন্দ্রিযো জৈত্রো জরামরণবর্জিতঃ .
জ্যোতির্মযো জগন্নাথো জগজ্জীবো জনাশ্রযঃ .. ৪২..
জগত্সেব্যো জগত্কর্তা জগত্সাক্ষী জগত্প্রিযঃ .
জম্ভারিবন্দ্যো জযদো জগঞ্জনমনোহরঃ .. ৪৩..
জগদানন্দজনকো জনজাড্যাপহারকঃ .
জপাকুসুমসংকাশো জনলোচনশোভনঃ .. ৪৪..
জনেশ্বরো জিতক্রোধো জনজন্মনিবর্হণঃ .
জযদো জন্তুতাপঘ্নো জিতদৈত্যমহাব্রজঃ .. ৪৫..
জিতমাযো জিতক্রোধো জিতসঙ্গো জনপ্রিযঃ .
ঝংঝানিলমহাবেগো ঝরিতাশেষপাতকঃ .. ৪৬..
ঝর্ঝরীকৃতদৈত্যৌঘো ঝল্লরীবাদ্যসংপ্রিযঃ .
জ্ঞানমূর্তির্জ্ঞানগম্যো জ্ঞানী জ্ঞানমহানিধিঃ .. ৪৭..
টংকারনৃত্তবিভবঃ টংকবজ্রধ্বজাঙ্কিতঃ .
টংকিতাখিললোকশ্চ টংকিতৈনস্তমোরবিঃ .. ৪৮..
ডম্বরপ্রভবো ডম্ভো ডম্বো ডমরুকপ্রিযঃ .
ডমরোত্কটসন্নাদো ডিংভরূপস্বরূপকঃ .. ৪৯..
ঢক্কানাদপ্রীতিকরো ঢালিতাসুরসংকুলঃ .
ঢৌকিতামরসংদোহো ঢুণ্ডিবিঘ্নেশ্বরানুজঃ .. ৫০..
তত্ত্বজ্ঞস্তত্বগস্তীব্রস্তপোরূপস্তপোমযঃ .
ত্রযীমযস্ত্রিকালজ্ঞস্ত্রিমূর্তিস্ত্রিগুণাত্মকঃ .. ৫১..
ত্রিদশেশস্তারকারিস্তাপঘ্নস্তাপসপ্রিযঃ .
তুষ্টিদস্তুষ্টিকৃত্তীক্ষ্ণস্তপোরূপস্ত্রিকালবিত্ .. ৫২..
স্তোতা স্তব্যঃ স্তবপ্রীতঃ স্তুতিঃ স্তোত্রং স্তুতিপ্রিযঃ .
স্থিতঃ স্থাযী স্থাপকশ্চ স্থূলসূক্ষ্মপ্রদর্শকঃ .. ৫৩..
স্থবিষ্ঠঃ স্থবিরঃ স্থূলঃ স্থানদঃ স্থৈর্যদঃ স্থিরঃ .
দান্তো দযাপরো দাতা দুরিতঘ্নো দুরাসদঃ .. ৫৪..
দর্শনীযো দযাসারো দেবদেবো দযানিধিঃ .
দুরাধর্ষো দুর্বিগাহ্যো দক্ষো দর্পণশোভিতঃ .. ৫৫..
দুর্ধরো দানশীলশ্চ দ্বাদশাক্ষো দ্বিষড্ভুজঃ .
দ্বিষট্কর্ণো দ্বিষড্বাহুর্দীনসংতাপনাশনঃ .. ৫৬..
দন্দশূকেশ্বরো দেবো দিব্যো দিব্যাকৃতির্দমঃ .
দীর্ঘবৃত্তো দীর্ঘবাহুর্দীর্ঘদৃষ্টির্দিবস্পতিঃ .. ৫৭..
দণ্ডো দমযিতা দর্পো দেবসিংহো দৃঢব্রতঃ .
দুর্লভো দুর্গমো দীপ্তো দুষ্প্রেক্ষ্যো দিব্যমণ্ডনঃ .. ৫৮..
দুরোদরঘ্নো দুঃখঘ্নো দুরারিঘ্নো দিশাংপতিঃ .
দুর্জযো দেবসেনেশো দুর্জ্ঞেযো দুরতিক্রমঃ .. ৫৯..
দম্ভো দৃপ্তশ্চ দেবর্ষির্দৈবজ্ঞো দৈবচিন্তকঃ .
ধুরংধরো ধর্মপরো ধনদো ধৃতিবর্ধনঃ .. ৬০..
ধর্মেশো ধর্মশাস্ত্রজ্ঞো ধন্বী ধর্মপরাযণঃ .
ধনাধ্যক্ষো ধনপতির্ধৃতিমান্ধূতকিল্বিষঃ .. ৬১..
ধর্মহেতুর্ধর্মশূরো ধর্মকৃদ্ধর্মবিদ্ ধ্রুবঃ .
ধাতা ধীমান্ধর্মচারী ধন্যো ধুর্যো ধৃতব্রতঃ .. ৬২..
নিত্যোত্সবো নিত্যতৃপ্তো নির্লেপো নিশ্চলাত্মকঃ .
নিরবদ্যো নিরাধারো নিষ্কলঙ্কো নিরঞ্জনঃ .. ৬৩..
নির্মমো নিরহংকারো নির্মোহো নিরুপদ্রবঃ .
নিত্যানন্দো নিরাতঙ্কো নিষ্প্রপঞ্চো নিরামযঃ .. ৬৪..
নিরবদ্যো নিরীহশ্চ নির্দর্শো নির্মলাত্মকঃ .
নিত্যানন্দো নির্জরেশো নিঃসঙ্গো নিগমস্তুতঃ .. ৬৫..
নিষ্কণ্টকো নিরালম্বো নিষ্প্রত্যূহো নিরুদ্ভবঃ .
নিত্যো নিযতকল্যাণো নির্বিকল্পো নিরাশ্রযঃ .. ৬৬..
নেতা নিধির্নৈকরূপো নিরাকারো নদীসুতঃ .
পুলিন্দকন্যারমণঃ পুরুজিত্পরমপ্রিযঃ .. ৬৭..
প্রত্যক্ষমূর্তিঃ প্রত্যক্ষঃ পরেশঃ পূর্ণপুণ্যদঃ .
পুণ্যাকরঃ পুণ্যরূপঃ পুণ্যঃ পুণ্যপরাযণঃ .. ৬৮..
পুণ্যোদযঃ পরং জ্যোতিঃ পুণ্যকৃত্পুণ্যবর্ধনঃ .
পরানন্দঃ পরতরঃ পুণ্যকীর্তিঃ পুরাতনঃ .. ৬৯..
প্রসন্নরূপঃ প্রাণেশঃ পন্নগঃ পাপনাশনঃ .
প্রণতার্তিহরঃ পূর্ণঃ পার্বতীনন্দনঃ প্রভুঃ .. ৭০..
পূতাত্মা পুরুষঃ প্রাণঃ প্রভবঃ পুরুষোত্তমঃ .
প্রসন্নঃ পরমস্পষ্টঃ পরঃ পরিবৃঢঃ পরঃ .. ৭১..
পরমাত্মা পরব্রহ্ম পরার্থঃ প্রিযদর্শনঃ .
পবিত্রঃ পুষ্টিদঃ পূর্তিঃ পিঙ্গলঃ পুষ্টিবর্ধনঃ .. ৭২..
পাপহারী পাশধরঃ প্রমত্তাসুরশিক্ষকঃ .
পাবনঃ পাবকঃ পূজ্যঃ পূর্ণানন্দঃ পরাত্পরঃ .. ৭৩..
পুষ্কলঃ প্রবরঃ পূর্বঃ পিতৃভক্তঃ পুরোগমঃ .
প্রাণদঃ প্রাণিজনকঃ প্রদিষ্টঃ পাবকোদ্ভবঃ .. ৭৪..
পরব্রহ্মস্বরূপশ্চ পরমৈশ্বর্যকারণম্ .
পরর্দ্ধিদঃ পুষ্টিকরঃ প্রকাশাত্মা প্রতাপবান্ .. ৭৫..
প্রজ্ঞাপরঃ প্রকৃষ্টার্থঃ পৃথুঃ পৃথুপরাক্রমঃ .
ফণীশ্বরঃ ফণিবরঃ ফণামণিবিভূষণঃ .. ৭৬..
ফলদঃ ফলহস্তশ্চ ফুল্লাম্বুজবিলোচনঃ .
ফডুচ্চাটিতপাপৌঘঃ ফণিলোকবিভূষণঃ .. ৭৭..
বাহুলেযো বৃহদ্রূপো বলিষ্ঠো বলবান্ বলী .
ব্রহ্মেশবিষ্ণুরূপশ্চ বুদ্ধো বুদ্ধিমতাং বরঃ .. ৭৮..
বালরূপো ব্রহ্মগর্ভো ব্রহ্মচারী বুধপ্রিযঃ .
বহুশ্রুতো বহুমতো ব্রহ্মণ্যো ব্রাহ্মণপ্রিযঃ .. ৭৯..
বলপ্রমথনো ব্রহ্মা বহুরূপো বহুপ্রদঃ .
বৃহদ্ভানুতনূদ্ভূতো বৃহত্সেনো বিলেশযঃ .. ৮০..
বহুবাহুর্বলশ্রীমান্ বহুদৈত্যবিনাশকঃ .
বিলদ্বারান্তরালস্থো বৃহচ্ছক্তিধনুর্ধরঃ .. ৮১..
বালার্কদ্যুতিমান্ বালো বৃহদ্বক্ষা বৃহদ্ধনুঃ .
ভব্যো ভোগীশ্বরো ভাব্যো ভবনাশো ভবপ্রিযঃ .. ৮২..
ভক্তিগম্যো ভযহরো ভাবজ্ঞো ভক্তসুপ্রিযঃ .
ভুক্তিমুক্তিপ্রদো ভোগী ভগবান্ ভাগ্যবর্ধনঃ .. ৮৩..
ভ্রাজিষ্ণুর্ভাবনো ভর্তা ভীমো ভীমপরাক্রমঃ .
ভূতিদো ভূতিকৃদ্ভোক্তা ভূতাত্মা ভুবনেশ্বরঃ .. ৮৪..
ভাবকো ভীকরো ভীষ্মো ভাবকেষ্টো ভবোদ্ভবঃ .
ভবতাপপ্রশমনো ভোগবান্ ভূতভাবনঃ .. ৮৫..
ভোজ্যপ্রদো ভ্রান্তিনাশো ভানুমান্ ভুবনাশ্রযঃ .
ভূরিভোওগপ্রদো ভদ্রো ভজনীযো ভিষগ্বরঃ .. ৮৬..
মহাসেনো মহোদারো মহাশক্তির্মহাদ্যুতিঃ .
মহাবুদ্ধির্মহাবীর্যো মহোত্সাহো মহাবলঃ .. ৮৭..
মহাভোগী মহামাযী মেধাবী মেখলী মহান্ .
মুনিস্তুতো মহামান্যো মহানন্দো মহাযশাঃ .. ৮৮..
মহোর্জিতো মাননিধির্মনোরথফলপ্রদঃ .
মহোদযো মহাপুণ্যো মহাবলপরাক্রমঃ .. ৮৯..
মানদো মতিদো মালী মুক্তামালাবিভূষণঃ .
মনোহরো মহামুখ্যো মহর্দ্ধির্মূর্তিমান্মুনিঃ .. ৯০..
মহোত্তমো মহোপাযো মোক্ষদো মঙ্গলপ্রদঃ .
মুদাকরো মুক্তিদাতা মহাভোগো মহোরগঃ .. ৯১..
যশস্করো যোগযোনির্যোগিষ্ঠো যমিনাং বরঃ .
যশস্বী যোগপুরুষো যোগ্যো যোগনিধির্যমী .. ৯২..
যতিসেব্যো যোগযুক্তো যোগবিদ্যোগসিদ্ধিদঃ .
যন্ত্রো যন্ত্রী চ যন্ত্রজ্ঞো যন্ত্রবান্যন্ত্রবাহকঃ .. ৯৩..
যাতনারহিতো যোগী যোগীশো যোগিনাং বরঃ .
রমণীযো রম্যরূপো রসজ্ঞো রসভাবনঃ .. ৯৪..
রঞ্জনো রঞ্জিতো রাগী রুচিরো রুদ্রসংভবঃ .
রণপ্রিযো রণোদারো রাগদ্বেষবিনাশনঃ .. ৯৫..
রত্নার্চী রুচিরো রম্যো রূপলাবণ্যবিগ্রহঃ .
রত্নাঙ্গদধরো রত্নভূষণো রমণীযকঃ .. ৯৬..
রুচিকৃদ্রোচমানশ্চ রঞ্জিতো রোগনাশনঃ .
রাজীবাক্ষো রাজরাজো রক্তমাল্যানুলেপনঃ .. ৯৭..
রাজদ্বেদাগমস্তুত্যো রজঃসত্ত্বগুণান্বিতঃ .
রজনীশকলারম্যো রত্নকুণ্ডলমণ্ডিতঃ .. ৯৮..
রত্নসন্মৌলিশোভাঢ্যো রণন্মঞ্জীরভূষণঃ .
লোকৈকনাথো লোকেশো ললিতো লোকনাযকঃ .. ৯৯..
লোকরক্ষো লোকশিক্ষো লোকলোচনরঞ্জিতঃ .
লোকবন্ধুর্লোকধাতা লোকত্রযমহাহিতঃ .. ১০০..
লোকচূডামণির্লোকবন্দ্যো লাবণ্যবিগ্রহঃ .
লোকাধ্যক্ষস্তু লীলাবান্লোকোত্তরগুণান্বিতঃ .. ১০১..
বরিষ্ঠো বরদো বৈদ্যো বিশিষ্টো বিক্রমো বিভুঃ .
বিবুধাগ্রচরো বশ্যো বিকল্পপরিবর্জিতঃ .. ১০২..
বিপাশো বিগতাতঙ্কো বিচিত্রাঙ্গো বিরোচনঃ .
বিদ্যাধরো বিশুদ্ধাত্মা বেদাঙ্গো বিবুধপ্রিযঃ .. ১০৩..
বচস্করো ব্যাপকশ্চ বিজ্ঞানী বিনযান্বিতঃ .
বিদ্বত্তমো বিরোধিঘ্নো বীরো বিগতরাগবান্ .. ১০৪..
বীতভাবো বিনীতাত্মা বেদগর্ভো বসুপ্রদঃ .
বিশ্বদীপ্তির্বিশালাক্ষো বিজিতাত্মা বিভাবনঃ .. ১০৫..
বেদবেদ্যো বিধেযাত্মা বীতদোষশ্চ বেদবিত্ .
বিশ্বকর্মা বীতভযো বাগীশো বাসবার্চিতঃ .. ১০৬..
বীরধ্বংসো বিশ্বমূর্তির্বিশ্বরূপো বরাসনঃ .
বিশাখো বিমলো বাগ্মী বিদ্বান্বেদধরো বটুঃ .. ১০৭..
বীরচূডামণির্বীরো বিদ্যেশো বিবুধাশ্রযঃ .
বিজযী বিনযী বেত্তা বরীযান্বিরজা বসুঃ .. ১০৮..
বীরঘ্নো বিজ্বরো বেদ্যো বেগবান্বীর্যবান্বশী .
বরশীলো বরগুণো বিশোকো বজ্রধারকঃ .. ১০৯..
শরজন্মা শক্তিধরঃ শত্রুঘ্নঃ শিখিবাহনঃ .
শ্রীমান্শিষ্টঃ শুচিঃ শুদ্ধঃ শাশ্বতো শ্রুতিসাগরঃ .. ১১০..
শরণ্যঃ শুভদঃ শর্ম শিষ্টেষ্টঃ শুভলক্ষণঃ .
শান্তঃ শূলধরঃ শ্রেষ্ঠঃ শুদ্ধাত্মা শঙ্করঃ শিবঃ .. ১১১..
শিতিকণ্ঠাত্মজঃ শূরঃ শান্তিদঃ শোকনাশনঃ .
ষাণ্মাতুরঃ ষণ্মুখশ্চ ষড্গুণৈশ্বর্যসংযুতঃ .. ১১২..
ষট্চক্রস্থঃ ষডূর্মিঘ্নঃ ষডঙ্গশ্রুতিপারগঃ .
ষড্ভাবরহিতঃ ষট্কঃ ষট্শাস্ত্রস্মৃতিপারগঃ .. ১১৩..
ষড্বর্গদাতা ষড্গ্রীবঃ ষডরিঘ্নঃ ষডাশ্রযঃ .
ষট্কিরীটধরঃ শ্রীমান্ ষডাধারশ্চ ষট্ক্রমঃ .. ১১৪..
ষট্কোণমধ্যনিলযঃ ষণ্ডত্বপরিহারকঃ .
সেনানীঃ সুভগঃ স্কন্দঃ সুরানন্দঃ সতাং গতিঃ .. ১১৫..
সুব্রহ্মণ্যঃ সুরাধ্যক্ষঃ সর্বজ্ঞঃ সর্বদঃ সুখী .
সুলভঃ সিদ্ধিদঃ সৌম্যঃ সিদ্ধেশঃ সিদ্ধিসাধনঃ .. ১১৬..
সিদ্ধার্থঃ সিদ্ধসংকল্পঃ সিদ্ধসাধুঃ সুরেশ্বরঃ .
সুভুজঃ সর্বদৃক্সাক্ষী সুপ্রসাদঃ সনাতনঃ .. ১১৭..
সুধাপতিঃ স্বযংজ্যোতিঃ স্বযংভূঃ সর্বতোমুখঃ .
সমর্থঃ সত্কৃতিঃ সূক্ষ্মঃ সুঘোষঃ সুখদঃ সুহৃত্ .. ১১৮..
সুপ্রসন্নঃ সুরশ্রেষ্ঠঃ সুশীলঃ সত্যসাধকঃ .
সংভাব্যঃ সুমনাঃ সেব্যঃ সকলাগমপারগঃ .. ১১৯..
সুব্যক্তঃ সচ্চিদানন্দঃ সুবীরঃ সুজনাশ্রযঃ .
সর্বলক্ষণসংপন্নঃ সত্যধর্মপরাযণঃ .. ১২০..
সর্বদেবমযঃ সত্যঃ সদা মৃষ্টান্নদাযকঃ .
সুধাপী সুমতিঃ সত্যঃ সর্ববিঘ্নবিনাশনঃ .. ১২১..
সর্বদুঃখপ্রশমনঃ সুকুমারঃ সুলোচনঃ .
সুগ্রীবঃ সুধৃতিঃ সারঃ সুরারাধ্যঃ সুবিক্রমঃ .. ১২২..
সুরারিঘ্নঃ স্বর্ণবর্ণঃ সর্পরাজঃ সদা শুচিঃ .
সপ্তার্চির্ভূঃ সুরবরঃ সর্বাযুধবিশারদঃ .. ১২৩..
হস্তিচর্মাম্বরসুতো হস্তিবাহনসেবিতঃ .
হস্তচিত্রাযুধধরো হৃতাঘো হসিতাননঃ .. ১২৪..
হেমভূষো হরিদ্বর্ণো হৃষ্টিদো হৃষ্টিবর্ধনঃ .
হেমাদ্রিভিদ্ধংসরূপো হুংকারহতকিল্বিষঃ .. ১২৫..
হিমাদ্রিজাতাতনুজো হরিকেশো হিরণ্মযঃ .
হৃদ্যো হৃষ্টো হরিসখো হংসো হংসগতির্হবিঃ .. ১২৬..
হিরণ্যবর্ণো হিতকৃদ্ধর্ষদো হেমভূষণঃ .
হরপ্রিযো হিতকরো হতপাপো হরোদ্ভবঃ .. ১২৭..
ক্ষেমদঃ ক্ষেমকৃত্ক্ষেম্যঃ ক্ষেত্রজ্ঞঃ ক্ষামবর্জিতঃ .
ক্ষেত্রপালঃ ক্ষমাধারঃ ক্ষেমক্ষেত্রঃ ক্ষমাকরঃ .. ১২৮..
ক্ষুদ্রঘ্নঃ ক্ষান্তিদঃ ক্ষেমঃ ক্ষিতিভূষঃ ক্ষমাশ্রযঃ .
ক্ষালিতাঘঃ ক্ষিতিধরঃ ক্ষীণসংরক্ষণক্ষমঃ .. ১২৯..
ক্ষণভঙ্গুরসন্নদ্ধঘনশোভিকপর্দকঃ .
ক্ষিতিভৃন্নাথতনযামুখপঙ্কজভাস্করঃ .. ১৩০..
ক্ষতাহিতঃ ক্ষরঃ ক্ষন্তা ক্ষতদোষঃ ক্ষমানিধিঃ .
ক্ষপিতাখিলসংতাপঃ ক্ষপানাথসমাননঃ .. ১৩১..
ইতি নাম্নাং সহস্রাণি ষণ্মুখস্য চ নারদ .
যঃ পঠেচ্ছৃণুযাদ্বাপি ভক্তিযুক্তেন চেতসা .. ১..
স সদ্যো মুচ্যতে পাপৈর্মনোবাক্কাযসংভবৈঃ .
আযুর্বৃদ্ধিকরং পুংসাং স্থৈর্যবীর্যবিবর্ধনম্ .. ২..
বাক্যেনৈকেন বক্ষ্যামি বাঞ্ছিতার্থ প্রযচ্ছতি .
তস্মাত্সর্বাত্মনা ব্রহ্মন্নিযমেন জপেত্সুধীঃ .. ৩..
.. ইতি শ্রীস্কান্দে মহাপুরাণে ঈশ্বরপ্রোক্তে ব্রহ্মনারদসংবাদে
ষণ্মুখসহস্রনামস্তোত্রং সংপূর্ণম্ ..