অর্থশাস্ত্র ০৬

কৌটিলীয অর্থশাস্ত্রং – ০৬

Book | মণ্ডলযোনিঃ ষষ্ঠং অধিকরণম্
Chapt | ষণ্ঁঅবতিতমং প্রকরণং – প্রকৃতিসম্পদঃ
06.1.01 স্বাম্য্ঽমাত্যজনপদদুর্গকোশদণ্ডমিত্রাণি প্রকৃতযঃ
06.1.02 তত্র স্বামিসম্পত্
06.1.03 মহাকুলীনো দৈববুদ্ধিসত্ত্বসম্পন্নো বৃদ্ধদর্শী ধার্মিকঃ সত্যবাগ্ অবিসংবাদকঃ কৃতজ্ঞঃ স্থূললক্ষো মহা উত্সাহোঽদীর্ঘসূত্রঃ শক্যসামন্তো দৃঢবুদ্ধিরক্ষুদ্রপরিষত্কো বিনযকাম ইত্যাভিগামিকা গুণাঃ
06.1.04 শুশ্রূষাশ্রবণগ্রহণধারণবিজ্ঞান ঊহাপোহতত্ত্বাভিনিবেশাঃ প্রজ্ঞাগুণাঃ
06.1.05 শৌর্যং অমর্ষঃ শীঘ্রতা দাক্ষ্যং চ উত্সাহগুণাঃ
06.1.06 বাগ্মী প্রগল্ভঃ স্মৃতিমতিবলবান্ উদগ্রঃ স্ব্ঽবগ্রহঃ কৃতশিল্পোঽব্যসনো দণ্ডনায্যুপকারাপকারযোর্দৃষ্টপ্রতীকারী হ্রীমান্ আপত্প্রকৃত্যোর্বিনিযোক্তা দীর্ঘদূরদর্শী দেশকালপুরুষকারকার্যপ্রধানঃ সন্ধিবিক্রমত্যাগসম্যমপণপরচ্ছিদ্রবিভাগী সংবৃতোঽদীনাভিহাস্যজিহ্মভ্রুকুটীক্ষণঃ কামক্রোধলোভস্তম্ভচাপল উপতাপপৈশুন্যহীনঃ শক্লঃ স্মিত উদগ্রাভিভাষী বৃদ্ধ উপদেশাচার ইত্যাত্মসম্পত্
06.1.07 অমাত্যসম্পদ্ উক্তা পুরস্তাত্
06.1.08 মধ্যে চান্তে চ স্থানবান্ আত্মধারণঃ পরধারণশ্চাপদি স্বারক্ষঃ স্বাজীবঃ শত্রুদ্বেষী শক্যসামন্তঃ পঙ্কপাষাণ উষরবিষমকণ্টকশ্রেণীব্যালমৃগাটবীহীনঃ কান্তঃ সীতাখনিদ্রব্যহস্তিবনবান্ গব্যঃ পৌরুষেযো গুপ্তগোচরঃ পশুমান্ অদেবমাতৃকো বারিস্থলপথাভ্যাং উপেতঃ সারচিত্রবহুপণ্যো দণ্ডকরসহঃ কর্মশীলকর্ষকোঽবালিশস্বাম্য্ঽবরবর্ণপ্রাযো ভক্তশুচিমনুষ্য ইতি জনপদসম্পত্
06.1.09 দুর্গসম্পদ্ উক্তা পুরস্তাত্
06.1.10 ধর্মাধিগতঃ পূর্বৈঃ স্বযং বা হেমরূপ্যপ্রাযশ্চিত্রস্থূলরত্নহিরণ্যো দীর্ঘাং অপ্যাপদং অনাযতিং সহেত ইতি কোশসম্পত্
06.1.11 পিতৃপৈতামহো নিত্যো বশ্যঃ তুষ্টভৃতপুত্রদারঃ প্রবাসেষ্ববিসংবাদিতঃ সর্বত্রাপ্রতিহতো দুঃখসহো বহুযুদ্ধঃ সর্বযুদ্ধপ্রহরণবিদ্যাবিশারদঃ সহবৃদ্ধিক্ষযিকত্বাদ্ অদ্বৈধ্যঃ ক্ষত্রপ্রায ইতি দণ্ডসম্পত্
06.1.12 পিতৃপৈতামহং নিত্যং বশ্যং অদ্বৈধ্যং মহল্লঘুসমুত্থং ইতি মিত্রসম্পত্
06.1.13 অরাজবীজী লুব্ধঃ ক্ষুদ্রপরিষত্কো বিরক্তপ্রকৃতিরন্যাযবৃত্তিরযুক্তো ব্যসনী নিরুত্সাহো দৈবপ্রমাণো যত্কিঞ্চনকার্যগতিরননুবন্ধঃ ক্লীবো নিত্যাপকারী চ ইত্যমিত্রসম্পত্
06.1.14 এবম্ভূতো হি শত্রুঃ সুখঃ সমুচ্ছেত্তুং ভবতি
06.1.15ab অরিবর্জাঃ প্রকৃতযঃ সপ্ত এতাঃ স্বগুণ উদযাঃ |
06.1.15chd উক্তাঃ প্রত্যঙ্গভূতাঃ তাঃ প্রকৃতা রাজসম্পদঃ
06.1.16ab সম্পাদযত্যসম্পন্নাঃ প্রকৃতীরাত্মবান্নৃপঃ |
06.1.16chd বিবৃদ্ধাশ্চানুরক্তাশ্চ প্রকৃতীর্হন্ত্যনাত্মবান্
06.1.17ab ততঃ স দুষ্টপ্রকৃতিশ্চাতুরন্তোঽপ্যনাত্মবান্ |
06.1.17chd হন্যতে বা প্রকৃতিভির্যাতি বা দ্বিষতাং বশম্
06.1.18ab আত্মবাংঃ ত্বল্পদেশোঽপি যুক্তঃ প্রকৃতিসম্পদা |
06.1.18chd নযজ্ঞঃ পৃথিবীং কৃত্স্নাং জযত্যেব ন হীযতে ( ইতি)

Chapt | শমব্যাযামিকম্
06.2.01 শমব্যাযামৌ যোগক্ষেমযোর্যোনিঃ
06.2.02 কর্মারম্ভাণাং যোগারাধনো ব্যাযামঃ
06.2.03 কর্মফল উপভোগানাং ক্ষেমারাধনঃ শমঃ
06.2.04 শমব্যাযামযোর্যোনিঃ ষাড্গুণ্যম্
06.2.05 ক্ষযঃ স্থানং বৃদ্ধিরিত্যুদযাঃ তস্য
06.2.06 মানুষং নযাপনযৌ, দৈবং অযানযৌ
06.2.07 দৈবমানুষং হি কর্ম লোকং যাপযতি
06.2.08 অদৃষ্টকারিতং দৈবম্
06.2.09 তস্মিন্ন্ ইষ্টেন ফলেন যোগোঽযঃ, অনিষ্টেনানযঃ
06.2.10 দৃষ্টকারিতং মানুষম্
06.2.11 তস্মিন্ যোগক্ষেমনিষ্পত্তির্নযঃ, বিপত্তিরপনযঃ
06.2.12 তচ্চিন্ত্যং, অচিন্ত্যং দৈবম্
06.2.13 রাজা আত্মদ্রব্যপ্রকৃতিসম্পন্নো নযস্যাধিষ্ঠানং বিজিগীষুঃ
06.2.14 তস্য সমন্ততো মণ্ডলীভূতা ভূম্য্ঽনন্তরা অরিপ্রকৃতিঃ
06.2.15 তথা এব ভূম্য্.একান্তরা মিত্রপ্রকৃতিঃ
06.2.16 অরিসম্পদ্যুক্তঃ সামন্তঃ শত্রুঃ, ব্যসনী যাতব্যঃ, অনপাশ্রযো দুর্বলাশ্রযো বা উচ্ছেদনীযঃ, বিপর্যযে পীডনীযঃ কর্শনীযো বা
06.2.17 ইত্যরিবিশেষাঃ
06.2.18 তস্মান্ মিত্রং অরিমিত্রং মিত্রমিত্রং অরিমিত্রমিত্রং চানন্তর্যেণ ভূমীনাং প্রসজ্যন্তে পুরস্তাত্, পশ্চাত্ পার্ষ্ণিগ্রাহ আক্রন্দঃ পার্ষ্ণিগ্রাহাসার আক্রন্দাসারঃ
06.2.19 ভূম্য্ঽনন্তরঃ প্রকৃতিমিত্রঃ, তুল্যাভিজনঃ সহজঃ, বিরুদ্ধো বিরোধযিতা বা কৃত্রিমঃ
06.2.20 ভূম্য্.একান্তরং প্রকৃতিমিত্রং, মাতাপিতৃসম্বদ্ধং সহজং, ধনজীবিতহেতোরাশ্রিতং কৃত্রিমম্
06.2.21 অরিবিজিগীষ্বোর্ভূম্য্ঽনন্তরঃ সংহতাসংহতযোরনুগ্রহসমর্থো নিগ্রহে চাসংহতযোর্মধ্যমঃ
06.2.22 অরিবিজিগীষুমধ্যানাং বহিঃ প্রকৃতিভ্যো বলবত্তরঃ সংহতাসংহতানাং অরিবিজিগীষুমধ্যমানাং অনুগ্রহসমর্থো নিগ্রহে চাসংহতানাং উদাসীনঃ
06.2.23 ইতি প্রকৃতযঃ
06.2.24 বিজিগীষুর্মিত্রং মিত্রমিত্রং বাঽস্য প্রকৃতযঃ তিস্রঃ
06.2.25 তাঃ পঞ্চভিরমাত্যজনপদদুর্গকোশদণ্ডপ্রকৃতিভিরেক একশঃ সম্যুক্তা মণ্ডলং অষ্টাদশকং ভবতি
06.2.26 অনেন মণ্ডলপৃথক্ত্বং ব্যাখ্যাতং অরিমধ্যম উদাসীনানাম্
06.2.27 এবং চতুর্মণ্ডলসঙ্ক্ষেপঃ
06.2.28 দ্বাদশ রাজপ্রকৃতযঃ ষষ্টির্দ্রব্যপ্রকৃতযঃ, সঙ্ক্ষেপেণ দ্বিসপ্ততিঃ
06.2.29 তাসাং যথাস্বং সম্পদঃ
06.2.30 শক্তিঃ সিদ্ধিশ্চ
06.2.31 বলং শক্তিঃ
06.2.32 সুখং সিদ্ধিঃ
06.2.33 শক্তিঃ ত্রিবিধা – জ্ঞানবলং মন্ত্রশক্তিঃ, কোশদণ্ডবলং প্রভুশক্তিঃ, বিক্রমবলং উত্সাহশক্তিঃ
06.2.34 এবং সিদ্ধিঃ ত্রিবিধা এব – মন্ত্রশক্তিসাধ্যা মন্ত্রসিদ্ধিঃ, প্রভুশক্তিসাধ্যা প্রভুসিদ্ধিঃ, উত্সাহশক্তিসাধ্যা উত্সাহসিদ্ধিঃ
06.2.35 তাভিরভ্যুচ্চিতো জ্যাযান্ ভবতি, অপচিতো হীনঃ, তুল্যশক্তিঃ সমঃ
06.2.36 তস্মাত্শক্তিং সিদ্ধিং চ ঘটেতাত্মন্যাবেশযিতুং, সাধারণো বা দ্রব্যপ্রকৃতিষ্বানন্তর্যেণ শৌচবশেন বা
06.2.37 দূষ্যামিত্রাভ্যাং বাঽপক্রষ্টুং যতেত
06.2.38 যদি বা পশ্যেত্ অমিত্রো মে শক্তিযুক্তো বাগ্দণ্ডপারুষ্যার্থদূষণৈঃ প্রকৃতীরুপহনিষ্যতি, সিদ্ধিযুক্তো বা মৃগযাদ্যূতমদ্যস্ত্রীভিঃ প্রমাদং গমিষ্যতি, স বিরক্তপ্রকৃতিরুপক্ষীণঃ প্রমত্তো বা সাধ্যো মে ভবিষ্যতি, বিগ্রহাভিযুক্তো বা সর্বসন্দোহেন একস্থোঽদুর্গস্থো বা স্থাস্যতি, স সংহতসৈন্যো মিত্রদুর্গবিযুক্তঃ সাধ্যো মে ভবিষ্যতি, বলবান্ বা রাজা পরতঃ শত্রুং উচ্ছেত্তুকামঃ তং উচ্ছিদ্য মাং উচ্ছিন্দ্যাদ্ ইতি বলবতা প্রার্থিতস্য মে বিপন্নকর্মারম্ভস্য বা সাহায্যং দাস্যতি, মধ্যমলিপ্সাযাং চ, ইত্যেবংঽঅদিষু কারণেষ্বমিত্রস্যাপি শক্তিং সিদ্ধিং চ ইচ্ছেত্
06.2.39ab নেমিং একান্তরান্ রাজ্ঞঃ কৃত্বা চানন্তরান্ অরান্ |
06.2.39chd নাভিং আত্মানং আযচ্ছেন্নেতা প্রকৃতিমণ্ডলে
06.2.40ab মধ্যে হ্যুপহিতঃ শত্রুর্নেতুর্মিত্রস্য চ উভযোঃ |
06.2.40chd উচ্ছেদ্যঃ পীডনীযো বা বলবান্ অপি জাযতে ( ইতি)